Bota

Në ditën e 38 të luftës forcat e Ukrainas kanë çliruar të gjithë rajonin e Kievit ndërsa kryebashkiaku i Bucha deklaroi se kanë gjetur mbi 300 trupa të varrosur në një varrezë masive. Ndërkohë mediat ukrainase citojnë një deklaratë të kreut të delegacionit negociatorë të Ukrainës David Arkamia, i cili thotë se dy presidentët Putin e Zelensky kanë rënë dakord të takohen dhe me shumë gjasa bisedimet do zhvillohen në Stamboll ose Ankara.

Pushtimi rus në Ukrainë ka sjellë dëmtimin e 53 objekteve kulturore në vend që nga 24 shkurti deri më sot, por numri i objekteve të dëmtuara thuhet se mund të jetë dhe më i lartë.

Ekspertët thonë se Rusia po dërgon sinjale të paqarta, duke vazhduar të godasë qytetet ukrainase në mes të bisedimeve të paqes. Zyrtarët ukrainas thonë se të dy delegacionet diskutuan në Stamboll kushtet e një armëpushimi të mundshëm, së bashku me garancitë ndërkombëtare të sigurisë për Ukrainën në këmbim të zotimit të Kievit për një status neutral.