Bota

Agjencia e Kombeve të Bashkuara për refugjatët ka raportuar se mbi një milion njerëz janë arratisur në vendet fqinje që nga fillimi i pushtimit rus të Ukrainës, numër që vjen duke u rritur çdo orë.

Lufta në Ukrainë nuk po shkon siç është planifikuar në Moskë. Trupat e Putinit nuk e prisnin rezistencën ushtarake dhe civile që ka ngadalësuar përparimin tani për tani: fillimisht u mendua për një luftë “rrufe”, që ndoshta, megjithatë nuk ishte kurrë në planet e Shtabit të Përgjithshëm të Moskës, por rusët nuk arritën të paktën deri të martën më 1 mars, asnjë nga objektivat.

Një raport i “The Royal United Services Institute” (RUSI), një think-tank i njohur në Britaninë e Madhe, shpjegon se çfarë ndodhi me Putinin, bazuar në dokumentet origjinale të inteligjencës ruse, të vëna në dispozicion nga autoritetet ukrainase.