Bota

Forcat ruse pushtuan Ukrainën mëngjesin e 24 shkurtit nga tre anë, ndërsa shpërthimet u dëgjuan në një numër qytetesh, duke përfshirë kryeqytetin Kiev, një sulm i gjerë që filloi para mëngjesit të së enjtes.

Presidenti rus, Vladimir Putin ka mbajtur një flaim të gjatë përpara mediave duke justifikuar sipas tij ndërhyrjen në Ukrainë. Putin ka shfrytëzuar ngjarjet e mëparshme historike që nga Lufta e Dytë Botërore, shpërbërja e Bashkimit Sovjetik si dhe luftërat në Serbi, Siri dhe Irak për të thënë se Rusia nuk mund të qëndrojë më duarkryq. Sipas Putin, NATO-s, po e afron infrastrukturën e saj ushtarake gjithnjë e më pranë kufirit rus, pavarësisht shqetësimeve të ngritura prej tyre

Në fjalimin e tij të mbajtur të hënën, Putin deklaroi se Ukraina nuk ka pretendime për të qenë e pavarur pasi ajo është një pjesë integrale e Rusisë, dhe se qytetarët e saj janë “të lidhur me ne nga gjaku dhe lidhjet familjare”. Kjo është arsyeja pse sulmi i Putinit kundër qeverisë ukrainase të zgjedhur në mënyrë demokratike, përjetohet si ekuivalenti gjeopolitik i një vrasjeje për çështje nderi.

Për muaj të tërë, Vladimir Putin i Rusisë mohoi planifikimin për të sulmuar Ukrainën, por të enjten ai njoftoi një "operacion special ushtarak" në rajonin e Donbasit të vendit. Njoftimi në televizion drejtpërdrejt u pasua nga raportime për shpërthime në kryeqytetin e Ukrainës, Kiev, si dhe në pjesë të tjera të vendit. Veprimet e fundit të Putinit vijnë disa ditë pasi ai prishi një marrëveshje paqeje dhe urdhëroi trupat në dy rajone lindore të kontrolluara nga rebelët, duke e justifikuar me fjalët 'për të ruajtur paqen'.