Kosova & Rajoni

Kryeministri kroat Andrej Pllenkoviq u konfirmoi gazetarëve në Dubrovnik se më 12 maj është marrë një kërcënim telefonik ndaj tij personalisht dhe anëtarëve të Qeverisë së Kroacisë dhe se njësia për intervenim e policisë po siguron ndërtesën e Qeverisë në sheshin Markova të Zagrebit.

Administratorja e Agjencisë Amerikane për Zhvillim Ndërkombëtar, Samantha Power, tha se është e qartë se krijimi i Asociacionit të komunave me shumicë serbe në Kosovë është një hap thelbësor që duhet të ndërmerret për të siguruar vazhdimin e procesit të normalizimit të marrëdhënieve ndërmjet Kosovës dhe Serbisë që duhet të përmbyllet me njohje të ndërsjellë.

Zyra e Bashkimit Evropian në Kosovë u bëri thirrje autoriteteve të Kosovës që të respektojnë me përpikëri procedurat ligjore në lidhje me shpronësimin e pronës së paluajtshme, dhe të bëjnë gjithçka që kanë në dorë për të garantuar respektimin e të drejtave pronësore të pronarëve të tokave.

Tymi i zi ka mbuluar qiellin pas një zjarri të madh që ka rënë në Shkup, ku është përpirë nga flakët ura e hekurudhës pranë stacionit hekurudhor të një qendrës tregtare.

Ambasadori amerikan në Organizatën për Siguri dhe Bashkëpunim në Evropë (OSBE) Michael Carpenter tha se vëzhguesit e tyre do t'i “ndjekin me shumë kujdes” zgjedhjet e parakohshme parlamentare në Mal të Zi, për shkak të ndërhyrjeve të jashtme të mundshme.

Zëdhënësi i Kremlinit, Dmitry Peskov ka paralajmëruar forcimin e lidhjeve ndërmjet Rusisë dhe Republikës Sërpska, ndërkaq presidenti i këtij entiteti të Bosnjë e Hercegovinës, Millorad Dodik, do të shkojë në Moskë, gjatë këtij muaji, për t’u takuar me presidentin rus Vladimir Putin.

Pas ngjarjes së rëndë që u shënua pak ditë më parë në serbi, ku 8 persona humbën jetën dhe 13 të tjerë u plagosën, si pasojë  e një akti të frikshëm terrorist nga 21-vjeçar, ka ardhur dhe dëshmia e autorit i cili ka rrëfyer arsyet e masakrës.

Një ngjarje e rëndë ka ndodhur në Studeçan të Suharekës, ku një 19-vjeçar ka humbur jetën si pasojë e plagës që ka marrë nga arma e zjarrit.

Ekipet për negocim të Malit të Zi dhe Bashkimit Evropian arritën një marrëveshje, sipas së cilës i gjithë kufiri i Malit të Zi me fqinjët e tij do të sigurohet nga oficerët e Agjencisë së Bashkimit Evropiane për ruajtjen e kufirit dhe bregdetit – FRONTEX , së bashku me policinë dhe ushtrinë malazeze.

Trafikimi I ngarkesës me 105 kilogramë kokainë e cila u sekuestrua në Greqi më 9 maj është bërë edhe me ndihmën e tre personave nga Shqipëria. Numri total I të arrestuarve ka arritur në 14. Sipas hetimeve, bananet ku ishte fshehur lënda narkotike ishin porositur në Ekuador nga një kompani maqedonase e krijuar vitin e kaluar.

Pesëmbëdhjetë parti të krahut të djathtë duan të marrin pjesë në zgjedhjet parlamentare të 21 majit në Greqi. Por gati gjysma kanë dështuar në Gjykatën e Lartë, përfshirë edhe partinë pasardhëse të Agimit të Artë.

I dërguari i Bashkimit Europian, Mirosllav Lajçak do të jetë ditën e sotme në Kosovë, ku do të pritet nga kryeministri  Albin Kurti. Emisari evropian, pas vizitës në Prishtinë, pritet të shkojë edhe në Beograd.

Përfaqësuesi i posaçëm i Bashkimit Evropian për dialog, Mirosllav Lajçak, do të qëndrojë më 11 maj në Prishtinë, ndërkaq një ditë më vonë do të vizitojë Beogradin.

Qeveria e Kosovës thotë se për të krijuar një nivel të vetëmenaxhimit për komunitetin serb, do të shtyjë përpara një model kroat për pakicat kombëtare. Ky “nivel i vetëmenaxhimit” parashihet me një marrëveshje që Kosova dhe Serbia arritën në Ohër, më 19 mars, me qëllim normalizimin e marrëdhënieve.

Ish-zyrtarit të Policisë së Kosovës, Dejan Pantiç, i është vazhduar masa e arrestit shtëpiak edhe për dy muaj të tjerë.

Presidentja e Kosovës, Vjosa Osmani gjatë një mbledhje me Këshillin Atlantik në Uashington të SHBA-ve është shprehur se procesi i dialogut me Serbinë nuk duhet të përdoret për normalizimin e sundimit autokrat të Aleksandër Vuçiçit.

Parlamenti Evropian ka miratuar dy rezoluta vjetore për Kosovën dhe Serbinë, “përmes së cilave u bëhet ftesë të dyja vendeve që të jenë konstruktive në dialogun për normalizimin e raporteve dhe ky normalizim duhet të përfshijë edhe njohjen e ndërsjellë”. Për raportin për Kosovën votuan 452 deputetë, 87 ishin kundër dhe 76 abstenuan.