Kronikë

Një tjetër operacion anti-kanabis është zhvilluar në Kurbin dhe në Lezhë, ku policia ka arritur të asgjësojë 5490 bimë kanabisi në katër fshatra, ndërsa ende nuk është bërë identifikimi i autorëve.

Një 19-vjeçar është vënë në pranga në Vorë, pasi ka qëlluar në ajër me kallashnikov, ndërsa kishte thyer edhe masën e sigurisë ‘arrest shtëpie’.

Një 37 vjeçar është arrestuar nga policia e Fierit për kultivim të bimëve narkotike. Në pranga ka rënë Ervis Trifoni i cili u kap teksa ujiste bimët e kanabisit të kultivuara në tokën e tij të mbjellë me hardhi rrushi.

Një 36 vjeçar nga Tirana, i cili kamuflohej si shofer furgoni për transportin e pasagjerëve ka rënë në pranga në Dibër, pasi transportonte lëndë narkotike. Yllson Dani, i cili kryente linjën Klos-Tiranë-Klos, përdorte furgonin për të transportuar lëndë narkotike dhe pas kontrollit të ushtruar nga policia i janë gjetur katër kallëpe me kanbis çokollate.

Artan (Marius) Tafani është autori i grabitjes së ndodhur në 24 qershor në një pikë të këmbimit vaultor në Astir nga ku u largua me 30 mijë euro. 39 vjeçari është shpallur në kërkim, ndërsa mësohet se ishte dënuar më parë për të njëjtën vepër penale, pas grabitjes së ndodhur në një pikë këmbimi valutor në Lushnjë në 2015-ën.

Gjykata Kushtetuese ka rrëzuar kërkesën e bërë nga shoqata “Kundërshtimi ndaj digës së Skavicës” për pezullimin e punimeve në hidrocentralin që po ndërtohet.

Janë 105 faqe të dosjes hetimore të operacionit “Coast to coast” në kuadër të të cilit u arrestuan 20 persona ndërsa një tjetër u shpall në kërkim. Report TV siguron fragmente nga përgjimet që janë në dosje.

Një 31-vjeçar është shoqëruar në komisariatin e Tiranës pasi tentoi të dhunonte ish bashkëjetuesen në sy të policëve teksa këta të fundit nuk reagonin pothuajse fare.

Nga

Sokol Dema

Nëntë prej anëtarëve të krupit kriminal të goditur së fundi nga SPAK gjatë operacionit “Coast to coast”, janë arrestuar më parë pasi janë kapur me sasi të konsiderueshme lënde narkotike nga viti 2021 në gjashtë episode të ndryshme.
 

Një 22 vjeçar është vënë në pranga nga policia e Vlorës, pasi mbrëmjen e djeshme përplasi me motor një të mitur 11 vjeçe në lagjen “Hajro Çakërri”.

Pronari i një lokali në Laç dhe kamerieri janë vënë në pranga nga policia pasi e përdornin ambientin për të shitur kanabis. Pas një hetimi 6-mujor policia e Kurbinit arriti të zbulojë se në këtë lokal ku kishte edhe lojëra kompjuterike për të mitur dhe të rinj, u shitej edhe kanabis.

Katër persona janë vënë nën hetim në Vlorë pasi ndërtuan pa leje në plazhet e Jonufrit dhe Borshit.

Një sherr i nisur për motive të dobëta mes dy të rinjve në Shkodër ka përfunduar në dhunë fizike, ku njëri ka goditur me sende të forta tjetrin, duke i shkaktuar dëmtime në kokë.