Kronikë

Një aksident rrugor ka ndodhur ditën e sotme në aksin Fier-Kallm, ku një kamion i tonazhit të rëndë ka përfunduar në kanal. Fatmirësisht nga aksidenti nuk ka pasur persona të lënduar rëndë.

Deputetët e Kuvendit kanë nisur një tur monitorues në gjykatat e vendit, pas thirrjeve shqetësueses të Këshillit të Lartë Gjyqësor për sigurinë në këto institucione. Sot një pjesë e deputetëve ishin në Gjykatën e Korçës, ku njoftuan se në përfundim do të hartojnë një raport për ta diskutuar në rrugë parlamentare me palët e interesuara.

Policia e Tiranës ka arrestuar 3 persona të akuzuar për vjedhje, në dy operacione të ndryshme. Në rastin e parë është vjedhur një motor dhe sende me vlerë, kurse në të dytin janë vjedhur dy markete nga i njëjti person, në ditë të ndryshme.

Gazetari Elton Tozaj, i dhunuar rreth para një muaji, ka denoncuar në polici se në derën e banesës ka gjetur një bidon me benzinë dhe një sasi të lëndës djegëse të përhapur në tokë.

Forca e Sigurisë së Kosovës i është bashkuar sot ushtrisë shqiptare në operacionin e kërkim-shpëtimit për gjetjen e trupit të 30-vjeçarit Jurgen Karaj, i cili u mbyt tre javë më parë në lumin Mat. Pas dështimit të kërkimeve të deritanishme, autoritetet shqiptare kanë kërkuar ndihmë nga Kosova, e cila ka vënë në dispozicion 11 efektive me mjete më të specializuara për kërkime nënujore.

Nga

Sokol Dema

Një katalog i përditësuar me makina super luksoze që i në sekuestruar krimit është publikuar nga Agjencia e Administrimit të Pasurive të Sekuestruara dhe të Konfiskuara. Mes mjeteve dallon një që kushton 500 mijë euro, si rasti i një “Rolls Royce”. Pjesa më e madhe e mjeteve janë sekuestruar nga dosje në hetim të SPAK, të sekuestruara ose konfiskuara me vendim të GJKKO.

Policia e Elbasanit nisi hetimet ndaj një 38-vjeçari, administrator i një pike të grumbullimit të metaleve në Tiranë, pas shkeljeve të konstatuara në biznesin e tij. Po ashtu ndaj biznesit të grumbullimit të metaleve është vendosur edhe një gjobë prej 2 milionë lekësh.

Këta ish-zyrtarë të Bashkisë së Tiranës akuzohen për veprën penale "Shkelja e barazisë së pjesëmarrësve në tendera apo ankande publike". Të 5-të të pandehurit kanë përfituar ulje dënimi nga gjykimi i shkurtuar, deri në 6 muaj burgin, dënim i cili u është konvertuar në shërbim prove.

Prokurori Lazër Çardaku u shkarkua nga detyra më 8 nëntor 2024, ndërkohë Kolegji i Posaçëm i Apelimit e riktheu në detyrë pas 14 muajsh.

Nga

Keti Banushi

Ishte avokati mbrojtës i të pandehurit Gentian Sharra, i cili kërkoi prezencën e të penduarit të drejtësisë Dumani, me qëllim ballafaqimin e deklaratave të të pandehurit Henrik Hoxha me ato të Dumanit.

Report TV ka siguruar dosjen e Prokurorisë së Korçës për vrasjen makabre të 52-vjeçares Kozeta Teço, krim për të cilin akuzohet ish-i dashuri i saj, Ilirjan Selmani. Selmani dyshohet se përdori 3 thika për të realizuar vrasjen dhe më pas i vendosi flakën banesës së viktimës.

SPAK nuk arriti as në këtë seancë t’i lexonte të gjitha parashtrimet e kërkesës për kalimin në gjykim të dosjes. Organi i akuzës ka arritur të lexojë deri më tani rreth 130 faqe ku kanë mbetur edhe 100 të tjera të cilat do të lexohen në seancën e ardhshme.

Një 45-vjeçar grek është vënë në hetim nga Policia e Sarandës, pasi tentoi të dalë nga Shqipëria me 45 mijë euro të padeklaruara.

Moti i keq që ka përfshirë rajonin e Lezhës që prej pasdites së të mërkurës ka shkaktuar probleme në lundrimin detar. Autoritetet bëjnë me dije se pezullimi i lundrimit do të vijojë deri në përmirësimin e kushteve atmosferike.

Aksidenti ndodhi të mërkurën në aksin Mjedë-Spathar. Shoferi dhe njëri nga pasagjerët ndodhen në spitalin e Shkodrës, kurse pasagjeri tjetër u dërgua te Spitali i Traumës.

Nga

Sokol Dema

Ministri i Mbrojtjes, Pirro Vengu ka ndarë të dhënat se sa dëmshpërblim do të përfitojnë secila prej 15 bashkive të prekura, ku rezulton se Kruja do të marrë më shumë para, në vlerën e 146 milionë lekëve. Delvina dhe Finqi ndër më të prekurat, do marrin përkatësisht nga 36 mln lekë dhe 40 mln lekë. Edhe Gramshi që gjithashtu pësoi dëme të jashtëzakonshme, do të marrë vetëm 86.6 milionë lekë.

Nga

Keti Banushi

Kledian Llaho akuzohet nga SPAK për korrupsion, ndërsa ish-prokurori tjetër, Çlirim Shahini, që ushtron profesionin e avokatit, për ushtrim të ndikimit të paligjshëm.

Ata kishin marrë me qira një apartament në zonën e Vollgës në lagjen nr. 1 në Durrës ku kryenin aktivitetin e tyre. Policia sekuestroi shuma parash, pasaportat e brazilianeve, 8 celularë, karta telefoni dhe blloqe shënimesh.

Një prej firmave të ndërtimit e cila po punon në qytet për vendosjen e linjave të reja të ujit të pijshëm ka lënë të gjithë lagjen “Pavarësia” në Vlorë pa energji elektrike.