Kronikë

89 të lënduar është bilanci i përgjithshëm nga spitali i Traumës dhe “Nënë Tereza” pas akteve të dhunshme dje në protestë, bën me dije Ministria e Shëndetësisë. Nga këta, 61 janë policë dhe 18 protestues që janë trajtuar te Trauma

12 orë të tjera kaosi ka përjetuar Tirana edhe këtë të enjte, në ditën e tretë të protestave të dhunshme. Ndryshe nga një ditë më parë policia u tregua më e vendosur për të mbrojtur institucionet kryesore, duke i ndalur të rinjtë e maskuar sa herë afroheshin në Bulevardin Dëshmorët e Kombit por shkatërrimit nuk iu shpëtuan edhe sot dhjetëra biznese private, disa ministri apo prona të tjera private dhe publike.

Të rinjtë e shkollave të mesme të Tiranës kanë nisur me bojkotimin e mësimit për t’iu bashkuar protestës. Edhe nga shkollat e Kamzës ka bojkot të mësimit me thirrjen “të gjithë së bashku!”

Semaforë e tabela rrugore të thyera të cilat krijojnë kaos për automjetet dhe këmbësorët, kioska rrugësh e stacione autobusësh të shkatërruar e të djegur, xhama e bankomatë të thyer, pllaka trotuari që mungojnë është pamja e kryeqytetit ditën e sotme pas protestës që shkaktoi trazira të shumta.

Ministria e Ekonomisë duket të jetë ndër më të dëmtuarat nga sulmet e protestuesve gjatë së mërkurës që prekën 8 institucione.

Copa pllakash, gurësh, shufrash hekuri, xhama të thërrmuar, mjete pune të shkatërruara, mobilie të hedhura e kompjuterë në tokë janë dëmet që mund të dallohen menjëherë pas sulmeve të protestuesve.