Kronikë

Në zonë janë afruar jo më shumë se 10-20 protestues, ndaj të cilëve policia ka ndërhyrë menjëherë, duke shoqëruar njërin prej tyre. Më pas sipas pamjeve, efektivët janë tërhequr nga zona, por vijojnë të qëndrojnë në gatishmëri.

Pamjet e siguruara nga Report Tv tregojnë momentin kur dhjetëra protestues kapërcejnë kangjellat rrethuese të Komisariatit nr. 2, në zonën e 21 Dhjetorit, dhe futen në oborr, duke sulmuar e shkatërruar çfarë u del përpara.

Policia thotë se 51 efektivë janë lënduar nga sulmet e protestuesve gjatë protestës së dhunshme në Tiranë. Sipas të dhënave zyrtare, janë lënduar edhe 5 protestues dhe 1 kalimtar.

Bankat dhe institucionet financiar e gjatë gjithë ditës kanë qenë nën sulmin e protestuesve. Ma maska në kokë dhe sende të forta, ata kanë shkatërruar çdo bankë që u ka dalë para, disa prej tyre u kanë vënë edhe flakën.  

Një efektiv policie ka mbetur i lënduar gjatë protestës së dhunshme në Tiranë, pasi një grup protestuesish sulmuan me gurë dhe sende të forta disa punonjës policie pranë Sheshit Skënderbej.

Protestuesit vijuan aktet e dhunës nëpër kryeqytet, duke vënë në shënjestër edhe qendrën tregtare ‘Toptani’.