Kronikë

Një automjet u përfshi nga flakët pasditen e sotme në 'Kthesën e Fratarit' në aksin Levan-Tepelenë. Shoferi nxori në kohë bashkëshorten dhe fëmijët. Zjarri u shua nga zjarrfikësit, ndërsa dyshohet se shkak ishte një defekt teknik i automjetit. 

Një 22-vjeçar i quajtur Klajdi Elezi u mbyt ditën e sotme në lumën Mat pranë Shkopetit në zonën e Kurbinit, ndërsa po lahej në ujë bashkë me disa të afërm. Sipas polcisë të riun e ka rrëmbyer rrjedha dhe është mbytur. Trupi dërgohet në morgun e Tiranës për ekspertizë mjeko-ligjore. Policia po vijon hetimet mbi ngjarjen. 

Një zjarr masiv ka përfshirë kodrën në afërsi të fshatit Palokastër në Gjirokastër, duke rrezikuar një banesë dhe shkrumbuar rreth 3 hektarë kullota e shkurre. Në vendngjarje ndërhynë 12 zjarrfikës me katër mjete.

Një aksident është regjistruar në aksin Korçë-Kapshticë, pranë fshatit Cangonj, ku janë përplasur dy automjete dhe dyshohet për të plagosur. Policia dhe ambulanca ndodhen në vendngjarje, ndërsa priten detaje të tjera.

Turisti gjerman po zhytej në afërsi të gomones në Gjipe, kur është goditur nga helikat. Pëson prerje në gjymtyrët e poshtme dhe në shtyllwn kurrizor. Drejtuesi i gomones lundronte jashtë perimetrit te sigurisë dhe dispononte dokumentacion të rregullt ligjor.

Shpesh shqiptarët janë ‘temë’ e gazetave britanike, por së fundmi, vendin e tyre e kanë zënë dy britanikë që janë kapur javë më parë me drogë në Dhërmi. 'Mirror' shkruan se dy të rinjtë britanikë rrezikojnë të përballen deri në 15 vite burg në Shqipëri.

Nga

Joana Preja

Stërvitja ndërkombëtare “Defender 25” solli në Shqipëri 1 mijë e 200 trupa amerikane, mes tyre edhe dy ushtarakë me origjinë shqiptare, rreshterin Taulant Halilaj dhe kapitenen Hatixhe Collaku. Të dy rrefejnë për Report tv emocionet që përjetuan në këtë mision ndërsa ndajnë historinë e migrimit të familjeve të tyre dhe rrugëtimin në ushtrinë amerikane.

Sipas policisë, 60-vjeçari pësoi dëmtime të rënda, u dërgua menjëherë në spital, por nuk ka mundur të mbijetojë. 

Vihet në pranga 35-vjeçari që shkaktoi një aksident me vdekje disa ditë më parë në aksin rrugor “Mbikalimi i Patokut–Laç”. Policia ka arrestuat edhe një 23-vjeçar që ka bërë deklarim të rremë.

Në kuadër të samitit të SEECP që do të zhvillohet të hënën në Tiranë, policia ka ndërmarrë një sërë masash. Pritet të ketë kufizime dhe bllokim të disa akseve të kryeqytetit.

Një automjet që kryente manovra të rrezikshme në zonën e rërës, duke rrezikuar sigurinë e pushuesve në plazhin e Velipojës, është bllokuar nga policia.

Një 44-vjeçar është arrestuar nga policia pasi dyshohet si autor i 3 vjedhjeve të ndryshme në kryeqytet, të kryera në ditë të ndryshme.

Policia ka arrestuar në flagrancë një 26-vjeçar, i dyshuar për 2 vjedhje të kryera në qytetin e Laçit, brenda një harku kohor prej 24 orësh.

Pak ditë pas dorëheqjes së Ermal Onuzit, ministri Ervin Hoxha ka komanduar Simon Zerecin si drejtorin e Përgjithshëm të Gardës së Republikës. Zereci mbante detyrën zv. drejtor i Përgjithshëm i Gardës.

Tetë pushues janë shpëtuar nga policia kufitare e Vlorës. 4 prej tyre kishin mbetur të bllokuar rreth 1 milje larg zonës së Shën Janit pasi gomonia kishte pësuar defekt. 4 të tjerët ishin bllokuar teksa po lundronin me kanoe në planin e Porto Palermos.

Një 28-vjeçar ka rënë në prangat e policisë pasi u arrestua në flagrancë, teksa shiste lëndë narkotike të dyshuar kanabis, në doza në qytetin e Bilishtit.

Në kuadër të operacionit “Koordinata”, Drejtoria Vendore e Policisë Shkodër dhe Komisariatet në varësi të saj, kanë lokalizuar dhe asgjësuar 12 203 bimë e fidanë të dyshuara narkotike, të llojit cannabis sativa.

Nga përplasja e dy automjeteve ka mbetur i plagosur një person. Ai është dërguar në spital për ndihmë mjekësore, por fatmirësisht ndodhet jashtë rrezikut për jetën.