Politikë

Molotov, tymuese dhe mollë u hodhën në protestën e Rithemelimit dhe Aleancës për Mbrojtjen e Teatrit për dorëheqjen e Erion Veliajt. Në protestë nuk munguan mesazhet politike për lirimin e Berishës, ndërsa u sulmuan dhe policët. Vetë Veliaj në reagimin e tij thotë se skenat  e ’97 nuk kanë vend në Tiranën e 2024-ës.

Artan Hoxha (presidenti në tentativë), i ka shkuar Sali Berishës poshtë ballkonit. Ai tha se Berisha është arrestuar në mënyrë skandaloze dhe po mbahet në burg me vendimet e Gjykatave skandaloze. Hoxha tha se Sali Berisha nuk dorëzohet dhe demokratët nuk do të dorëzohen.

Gazment Bardhi ka njoftuar Kuvendin se kryesia e grupit të PD ka revokuar përjashtimet e mëparshme në grup duke kthyer deputetët në Grupin Parlamentar, mes tyre dhe Sali Berishën. Vetë Basha e quan këtë veprim si pjesë të pazarit të Rithemelimit me PS, ndërsa evidenton se asnjë ‘non grata’ nuk do të jetë pjesë e Partisë Demokratike.

Deputeti Dash Sula ka derdhur qumësht në shkallët e parlamentit në mbështetje të protestës së blegtorëve për çmimin tejet të lirë të qumështit

Me ftesë të presidentit Emmanuel Macron, kryeministri Edi Rama zhvillon një vizitë dyditore në Francë. Kreu i qeverisë do të pritet në Pallatin Elysee nga Macron dhe më pas do kenë edhe një konferencë të përbashkët për shtyp. Mes dy vendeve do nënshkruhen marrëveshje e memorandum mirëkuptimi.

Organizata Freedom House i cilëson sulmet ndaj SPAK-ut në Shqipëri si arsyen e cila e mban demokracinë shqiptare në klasifikimin ‘hibride’ ndërsa apelon që partitë të largojnë nga politika personat minues të demokracisë që kanë dëshmuar se nuk respektojnë ligjin. Sipas organizatës amerikane sulmet ndaj SPAK u intensifikuan pas arrestimit të Berishës dhe ngritjes së akuzave ndaj Ametajt.

Me 72 vota kundër të mazhorancës dhe 39 vota pro të opozitës, Kuvendi vendosi kundër dërgimit në Gjykatën Kushtetuese të mandatit të deputetes Olta Xhaçka. Vetë Xhaçka mohoi çdo akuzë, për përfitime të paligjshme apo konflikt interesi, ndërsa theksoi se bashkëshorti i saj ka vetëm status të investitorit të asistuar dhe jo atë të investitorit strategjik të veçantë

Gjykata e Lartë ka lënë në fuqi masën e dhënë nga Apeli i Posaçëm dhe vulos arrestin në shtëpi për Sali Berishën, nën akuzë nga SPAK për korrupsion pasiv në aferën “Partizani”. Arben Meçaj në emisionin Repolitix në Report Tv tha se Berisha është i djegur në politikë. Pas aferës për Partizanin për të cilën i është caktuar një masë sigurie Berishës do t’i hapet çështja e Gërdecit dhe e CEZ DIA-s.