Politikë

Mënyra e arrestimit të Ilir Metës ngjalli polemika. Rrethimi i makinës me të cilën kreu i Partisë së Lirisë udhëtonte në drejtim të Tiranës, nga forcat operacionale të Policisë, u quajt rrëmbim nga përfaqësues të opozitës. Por policia sqaroi se shoqërimi me forcë u imponua pasi Meta refuzoi agjentët të ekzekutojnë vendimin e gjykatës dhe i ofendoi ata.

Ilir Meta aktualisht ka në SPAK dy dosje hetimore të hapura. Arrestimi i tij mësohet se është bërë për çështjen e lobimit në SHBA, për të cilën ka qenë edhe në SPAK, ku është marrë në pyetje disa herë dhe ka dhënë shpjegime.

Arrestimi i Ilir Metës është quajtur një rrëmbim politik nga Partia e Lirisë. Sali Berisha tha se kështu Rama po synon të eliminojë kundërshtarët politikë, ndërsa ish ambasadorja e BE-së, Romana Vlahutin, tha se ky është një mësim i madh se nuk ka të paprekshëm me drejtësinë e re.

Me urdhër të SPAK, arrestohet kreu i Partisë së Lirisë, Ilir Meta. Arrestimi vjen 5 vite pas hetimeve intensive për aferën CEZ-DIA, lobimin e LSI në SHBA dhe hetimin pasuror, që janë bashkuar në një dosje. GJKKO ka caktuar masë sigurie detyrim paraqitje për Kryemadhin, Pirro Xhixho arrest shtëpie dhe Ema Çoko detyrim paraqitjeje.