Politikë

Kryeministri Edi Rama ka reaguar për faktin se Belind Këlliçui nuk ka diplomë të shkollës së mesme (Investigim i Shqiptarja.com). Rama shprehet se nuk është në interes të koalicionit Berisha, Meta të nxjerrë kandidat që të bëjnë detyrën.

Deputeti i PD, Arbi Agalliu thotë se luftën për zgjedhjet vendore e kanë me partinë në pushtet por nuk lë pa përmendur koalicionin opozitar Berisha-Meta.  Në një intervistë për Report Tv, deputeti demokrat thotë se kanë tentuar që të mos e përcajnë votën. Me këtë argument justifikon faktin që zgjodhën 14 kandidatë për kryetarë bashkie dhe jo 61.

Vendosja e materialeve propagandistike të partive politike, në veçanti Partisë Socialiste, ishte pjesë e shqyrtimit sot në mbledhjen e Komisionit Qendror të Zgjedhjeve pas denoncimet të ‘Bashkë Fitojmë’ dhe forcave të tjera se ‘Billboard-e’ të Kryeministrit Rama janë në çdo rrugë të vendit.

Në një deklaratë para Institutit “Harry Fultz”, pas lajmeve kandidati i çiftit Berisha-Meta, Belind Këlliçi, nuk ka një diplomë të shkollës së mesme, këshilltarët socialistë deklaruan se Këlliçi iu detyrohet qytetarëve të Tiranës që t’i përgjigjet pyetjes: A ka një diplomë të shkollës së mesme nga “Harry Fultz”?

Propozimi i një mekanizmi për të ulur kostot e transportit të grurit nga Ukraina drejt vendeve të tjera si dhe forcimi i zinxhirit tregtar ishin temat ku u fokusua biseda online mes ministres së Bujqësisë dhe Zhvillimit Rural Frida Krifca me ministrin ukrainas të Politikës Agrare dhe Ushqimit Mykola Solskyi.

Kryesocialisti Edi Rama, kësaj here u ndal në Mallakastër, nga ku prezantoi kandidatin për 14 majin, Qerim Ismailajn. Rama u tha qytetarëve se në qershor do të marrë fund problematika me ujin e pijshëm, pasi në qershor të gjitha banesat do të furnizohen 24 orë me ujë. Rama premtoi edhe investime në infrastrukturë.

Kryetari i Partisë së Lirisë, Ilir Meta nuk ka kursyer komentet për kryeministrin Edi Rama nga Elbasani, ku thotë se kandidatët e koalicionit opozitar nuk kanë rivalë. Sipas tij, i vetmi që u del përpara është gogoli që kërcen dhe me këtë i referohet Ramës, i cili kërceu me banorët e Kamzës në kuadër të fushatës elektorale.

Koalicioni Meta-Berisha do të ketë numërues të votave për zgjedhjet e 14 majit vetëm në tavolinat e numërimit me numër tek në të gjitha KZAZ-të e vendit. Ky është rezultati i shortit i hedhur sot në KQZ, teksa Partisë së Lirisë i ranë tavolinat e numërimit me numër tek ndërsa partisë tjetër që merr anëtarin e katërt, Partisë për Drejtësi, Integrim dhe Unitet i ranë tavolinat me numër çift.