Politikë

Sali Berisha në konferencën e fundit për këtë vit për gazetarët e cilësoi, vitin 2022 si vitin e opozitës shqiptare. Në fjalën e tij, Berisha sulmoi sërish ambasadoren e SHBA-së, pas shpalljes ‘non grata’, për të cilën tha se është përfshirë në një akt madhor korruptiv duke mashtruar qeverinë e vet për korrupsionin imagjinar të Sali Berishës.

Ministri i Mbrojtjes Niko Peleshi zhvilloi një bashkëbisedim online me të gjithë përfaqësuesit e Shqipërisë në misione jashtë vendit. I shoqëruar edhe nga Shefi i Shtabit të Përgjithshëm të Forcave të Armatosura Gjeneral Brigade Arben Kingji, Ministri Peleshi i përgëzoi ata për kontributin dhe punën e bërë gjatë këtij viti tejet të ngarkuar për sigurinë dhe paqen në botë.

Nga Pakoja e Madhe anti inflacion 695 mijë pensionistë, 71 mijë persona me aftësi të kufizuara dhe 57.300 familjet me ndihmë ekonomike do të përfitojnë 8000 lekë. Ndërsa punonjësit e administratës do të marrin nga 10-20 mijë lekë mbështetje nga qeveria. Edhe nënat kryefamiljare do të përfitojnë 20 mijë lekë.

Nga

Ermal Qori

Viti 2022 ka shënuar zhvillime të rëndësishme në politikën e jashtme të Shqipërisë si dhe ka rritur rolin e saj në arenën ndërkombëtare. Përfshirja për herë të parë si anëtare e përkohshme e Këshillit të Sigurimit të OKB, çelja e negociatave si dhe samiti i BE  i mbajtur në 6 dhjetor në Tiranë, ishin momentet që shenjuan vitin politik për qeverinë Rama III.

Me mbylljen e vitit, Kryetarja e Kuvendit, Lindita Nikolla u është drejtuar me një letër deputetëve në mënyrë që të shmangen tensionet dhe retorikat me debate në sallën e parlamentit.

8 janari, është një datë e rëndësishme në kalendarin politik të 2022, për të cilën analisti Lorenc Vangjeli ka bërë një analizë, përtej asaj të dukshmes, dhunës që u pa në selinë blu atë diel. I ftuar në emisionin ‘Kontrast’ në Report Tv, përballë gazetarit Denin Minga, Vangjeli e cilësoi “8 janarit”, një pasojë, e një sërë veprimesh që datonin shumë më herët, që në 26 prill, 1 ditë pas humbjes në zgjedhjet parlamentare.

Anëtari i kryesisë së PD, Roland Bejko i ka cilësuar “pa pikë morali” deputetët demokratë të grupit të Berishës dhe të Alibeajt që u ulën në një tavolinë për festën e fundvitit duke harruar të gjitha përplasjet. Në një intervistë për Report Tv, Bejko u shpreh se është veprim i gabuar qëndrimi në një tryezë të përbashkët në një kohë kur PD është e përçarë.

‘Shfaqje’. Kështu e cilësoi kryeministri Edi Rama vendosjen e barrikadave në veri të Kosovës, tërheqja e të cilave ka nisur që në mëngjesin e sotëm. Me nota ironie, kreu i qeverisë u ndal edhe tjetërsimi i termit ‘barrikada’, ku në këtë ‘revoltë’ u përdor si mjet proteste paqësore nga serbët.

Nga

Danjela Maloku

Viti 2022 Partinë Demokratike e gjeti të përçarë edhe në Parlament. Lufta që zhvillohej për selinë dhe vulën u përkthye në një opozitë të paunifikuar edhe në kuvend, gjë që solli humbjen e disa betejave që njiheshin si kauza të PD, nga zgjedhja e Presidentit të ri, Reforma Territoriale apo Avokati i Popullit

Rreth 1 milionë shqiptarë pritet të përfitojnë nga paketa që Qeveria po përgatit për të ndikuar në lehtësimin e ndikimeve të inflacionit. Lajmin e ka dhënë sot Kryeministri Rama i cili ka bërë me dije të gjitha kategoritë përfituese.

Qeveria po mendon që brenda marsit të vitit të ardhshëm të rikthejë bastet online në vend dhe kjo për Partinë e Lirisë është treguar se Kryeministri Rama është i kapur. Nënkryetari i kësaj force politike, Petrit Vasili, ka dalë në një konferencë për mediat dhe është shprehur se Rama ka dalë totalisht kundër atyre që deklaronte vetëm 2 vite më parë dhe për këtë duhet të thotë pse.

Një nga ngjarjet më të rëndësishme në 2022 ka qenë zgjedhja e Altin Dumanit në krye të SPAK, i cili ka sjellë edhe një ambasadore të SHBA-së mjaft aktive.

Situata në veri të Kosovës duhet zgjidhur vetëm me dialog. Kështu u shpreh kryetarja e komisionit për Politika të Jashtme, Mimi Kodheli në Report Tvduke i kujtuar Serbisë se nëse tenton të përshkallëzojë situatën, do të përballet me NATO. Sa i përket qëndrimit të Shqipërisë që është kritikuar se ka qasje të butë drejt Serbisë, Kodheli thotë se kreu i qeverisë është mjaft i guximshëm në reagimet e tij lidhur me Kosovën.

Kandidatët që synojnë postin e  avokatit të popullit por që  kanë lidhje politike, nuk do të mbështeten nga socialistët. Në një intervistë për Report Tv, kreu i grupit socialist Taulant Balla, hodhi poshtë mundësinë për rizgjedhjen e Erinda Ballancës.

Një trokitje gotash për festën e fundvitit ka kthyer sërish në vëmendje ndarjen brenda PD. Festa që bashkoi deputetët demokratë mesditën e sotme, u pa nga Sali Berisha si një fillimi I ri I grupit parlamentar të PD. Iu përgjigj Gazment Bardhi, për të cilin drekat miqësore nuk duhet të keqpërdoren politikisht.