Politikë

Enkelejd Alibeaj do të jetë kryetari i komanduar i Partisë Demokratike pas dorëheqjes së Lulzim Bashës. Vendosja e tij në drejtimin e përkohshëm të Partisë Demokratike deri në zhvillimin e zgjedhjeve ku do të zgjidhet kryetari i ri i partisë sipas statutit të PD. Tabaku hoqi dorë nga e drejta statutore dhe automatikisht ky rol i mbeti Enkelejd Alibeajt.

Duke vlerësuar aktin e dorëheqjes së Lulzim Bashës, Ambasada  Amerikane i ka dërguar një mesazh të qartë Sali Berishës i cili tregoi hapur ambicien e tij për të rimarrë drejtimin e Partisë Demokratike. Ambasada Amerikane uron që ky vendim të përcaktojë rrugën që Partia Demokratike të ecë përpara drejt së ardhmes, duke theksuar se mbështetja e SHBA për të luftuar korrupsionin dhe pandëshkueshmërinë, mbeten e pandryshuar.

Enkelejd Alibeaj përmes një deklarate për qëndrimin e grupit të PD pas dorëheqjes së Bashës ka kërkuar nga deputetët e Komisionit të Rithemelimit që të largojnë Sali Berishën dhe të gjejnë një mekanizëm për bashkimin e PD. Por kjo kërkesë është hedhur poshtë nga Komisioni i Rithemelimit, i cili tha se nuk është koha për ultimatume.

Nga

Adriatik Doci

Karriera politike dhe betejat elektorale të Lulzim Bashës që nga shfaqja me KOP në 2004 deri tek dorëheqja e sotme. Fitoi me akuza përballë Olldashit dhe Selamit në PD, humbi të gjitha betejat elektorale me Edi Ramën.

Sali Berisha ka reaguar pas dorëheqjes së Lulzim Bashës nga kreu i PD, ku fton demokratët që të punojnë së bashku për ringritjen e partisë. Berisha thotë se vetëm përmes votës së lirë do të ketë zgjidhje  për partinë

Deputeti demokrat Oerd Bylykbashi tha sot se dorëheqja e Lulzim Bashës nga drejtimi i PD në thelb është një largim me turp. Për studion e emisionit ‘Kontrast’ në Report TV, Bylykbashi theksoi se qëndrimi i tij me forcë pas 9 shtatorit kur u pa se nga anonte anëtarësia, kishte si qëllim shkatërrimin e PD-së.

Demokratët, ata që dikur mbështesnin Lulzim Bashës, sot kanë përshëndetur vendimin e tij për t'u larguar nga drejtimi i PD-së. Me një deklaratë për mediat pas përfundimit të mbledhjes së Bashës me grupin parlamentar dhe krerët e degëve, Ervin Salianji tha se uron që ky vendim mos të jetë një 'truk', por një shpresë për ringritjen e partisë.

Analisti Lorenc Vangjeli tha në emisionin ‘Kontrast’ se largimi i Lulzim Bashës nga drejtimi i Partisë Demokratike duhet të kishte ndodhur që në 25 Prill.

Largimi i Lulzim Bashës nga drejtimi i Partisë Demokratike për Ibsen Elezin ishte një surprizë. Ish-anëtari i Këshillit Kombëtar, Ibsen Elezi tha në Report Tv se dorëheqja e Bashës me shumë mundësi vjen pas një marrëveshje të arritur mes PD-së dhe Foltores.