Politikë

Presidenti Ilir Meta ka treguar bisedën që ka bërë me Belind Këlliçin ditën e protestës së dhunshme të Sali Berishës në Selinë e PD. Ai tregon si e ka këshilluar Këlliçin për të mos rënë 'pre e provokimeve'.

Në një kohë kur opozita është në sherr brenda vetes e që në këtë luftë nuk e kanë kursyer as Ilir Metën, duke e bërë pjesë të trekëndëshit të së keqe, trekëndëshi i Bermudës, presidenti nuk e ka vonuar 'hakmarrjen'. Me të drejtën që i jep ligjin, kreu i i shtetit ka bërë sot me dije se ka nisur procedurat për të shpallur zgjedhjet vendore në Bashkitë që nuk ka një kryetar.

Ilir Meta tha se nuk dëshiron të bëhet palë me asnjë në luftën brenda PD-së, por zbuloi se ka ndërhyrë me telefonata te Belind Këlliçi për t’i udhëzuar njerëzit e Berishës se si të protestonin para selisë. Dhunën e ndëshkoi nga të dyja palët, por tha se është detyrë e Bashës të legjitimojë veten në kushtet kur sipas tij në krye të PD erdhi vetëm me mbështetjen e Berishës.

Kryetari i Bashkisë së Tiranës, Erion Veliaj, priti ditën e sotme kryetarin e Komisionit të Ligjeve të Kuvendit të Kosovës, Adnan Rrustemi, i cili së bashku me zv/kryetarin dhe anëtarët e këtij Komisioni janë në një vizitë pune në vendin tonë. Veliaj përmendi bashkëpunimin në nivel parlamentar dhe lokal mes dy vendeve.

Ish-Presidenti Bujar Nishani, i cili ka dalë hapur në mbështetje të Sali Berishës, ka rikujtuar sot në Facebook videon e momentit ku protestuesit në Rumani, disa vite më parë, hedhin në koshin e mbeturinave një politikan që e akuzonin si të korruptuar.

Pas kritikave të vazhdueshme për rritjen e çmimeve, deputeti i PS-së, Erion Braçe ka vendosur të pyesë drejtpërdrejtë qeverinë për situatën e krijuar.