Politikë

Erion Braçe ka postuar një foto të Sali Berishës nga “Bar Amerika” ku votoi për shkarkimin e Lulzim Bashës, për të ironizuar ish-kreun e PD.

Pas situatën në Cakran, ku votimi i referendumit për shkarkimin e Bashës po mbahej në zyrat e Njësisë Vendore, kryebashkiaku i Fierit, Armando Subashi ka reaguar për Report Tv. Ai thotë se  u morën masat e menjëhershme dhe Policia Bashkiake pezulloi votimin. Sipas tij, të hënën do të bëhet një analizë e detajuar mbi këtë situatë dhe nëse është e nevojshme do të merren masa administrative.

Fatbardh Kadilli është i pranishëm sot në Kuvendin Kombëtar të PD-së, ndërsa u shpreh për Report TV se vjen për t'i përcjellë një mesazh demokratëve: 'kapërceni Berishën e Bashën dhe shihni të ardhmen'. Sipas Kadillit, duhet ndërtuar një parti moderne e perëndimore që shkon përtej kryetarit.

Në këtë ditë mjaft të ngarkuar në Tiranë, mes 2 palëve në Partinë Demokratike, Edi Rama ka zgjedhur të 'arratiset'. Ai ka shkuar në qytetin e Vlorës, nga ku ka bërë edhe një postim 'soft' në këtë fundjavë.

Kryeministri i Shqipërisë Edi Rama, ai i Maqedonisë së Veriut Zoran Zaev, dhe Presidenti i Serbisë  Aleksandar Vuçiç kanë dërguar një letër të hapur për Ballkanin Perëndimor, 2 ditë para se të zhvillohet në Tiranë Samiti i radhës. Në letrën e hapur, e botuar nga mediat rajonale, i bëhet një thirrje e hapur fqinjëve të bashkohen sipas tyre për t’u ofruar qytetarëve të tyre dobitë që ne u ofrojmë qytetarëve tanë.