Politikë

Procesi zgjedhor i 13 Qershorit në PD u shoqërua me akuza për heqjen e emrave të anëtarëve, mbështetës të 3 kandidatëve përballë Bashës  nga listat e anëtarësisë për të mos votuar. Por ndonëse këto akuza u hodhën poshtë, shifrat tregojnë se krahasuar me zgjedhjet e fundit në 2017, PD kishte në lista rreth 28 mijë anëtarë më pak.

Kryetari i partisë Bashkimi Liberal Demokrat, Arian Starova e ka cilësuar një arritje dhe sukses të Shqipërisë anëtarësimin në Këshillin e Sigurimit në OKB. Starova tha se ky është një rrugëtim që vendi ka më shumë se 20 vite që e ka nisur dhe sot kur disa kushte u plotësuan dhe Shqipëria ka më shumë përvojë dhe është pjesë e NATO-s u bë pjesë duke pasur dhe ajo zërin e saj në këtë organizatë të rëndësishme për sigurinë dhe paqen në botë.

Përmes një postimi në “Twitter”, ministrja Xhaçka thekson se temë diskutimi ka qenë integrimi i Shqipërisë dhe gjithë Ballkanit Perëndimor në BE, si dhe mbajtja e Konferencës së Parë Ndërqeveritare ashtu siç ishte premtuar

Deputetja e zgjedhur e PD, Jorida Tabaku gjatë paradites së sotme ka zhvilluar takime me pronarët e disa bizneseve në Tiranë.

Dhjetëra anëtar, aktivistë dhe simpatizantë të Partisë Demokratike enden pre një viti nëpër dyert e prokurorisë dhe gjykatave si të pandehur pasi kanë marrë pjesë në protestat e opozitës

Kolegji Zgjedhor vendosi sot të rrëzojë kërkësat e fundit të opozitarëve për përsëritjen e zgjedhjeve në Fier e Elbasan, duke përmbyllur shqyrtimin e të gjitha ankimimeve të PD e LSI për zgjedhjet e 25 prillit. Sot është vulosur rezultati edhe për Fierin e Elbasanin, qarqe në të cilat PD kërkon pavlefshmëri dhe përsëritje të zgjedhjeve. 

I pari që i është përgjigjur ftesës së kryedemokratit Lulzim Basha për bashkëpunim, është Agron Shehaj, i dyti më i votuar pas kryedemokratit. Ai tha se kjo ishte një garë brenda PD-së, por përtej kësaj "nuk janë ndarë ndonjëherë".

Zgjedhja e Shqipërisë si anëtare e përkohshme e Këshillit të Sigurimit në OKB për zv.ministrin e Energjisë dhe Infrastrukturës, Etjen Xhafaj është stadi më i lartë i përfaqësimit të diplomacisë shqiptare. Në lidhje me marrëveshjen 5G të nënshkruar mes SHBA-së dhe Shqipërisë ditën e djeshme në Bruksel, Xhafaj tha se afati i fillimit të marrëveshjes është qershori 2022.

Ish-deputetja e PD-së, Albana Vokshi, njëherazi edhe anëtarja e Komisionit Zgjedhor të PD-së, i ka dalë në mbrojte Lulzim Bashën, duke hedhur poshtë akuzat për manipulime të zgjedhjeve. E ftuar në "5 pyetje nga Babaramo", Vokshi tha se kundërshtarët hedhin akuza për manipulime, ndërkohë që nuk kanë prova. Ajo ka theksuar se Basha nuk ka qenë "më i privilegjuari" nga kandidatët.

Kreu i Nismës Thurje, Endri Shabani, ndërsa komentoi vendimin e DASH për shpalljen e ish-kryeministrit Sali Berisha 'non grata', u shpreh se nëpërmjet Berishës, SHBA i çon kështu mesazh edhe personave të tjerë që kanë për synim destabilizimin politik të vendit, për interesa personale.

Fiks Fare denoncoi sot parregullsitë dhe abuzimet në procesin zgjedhor për zgjedhjen e kreut të Partisë Demokratike në 13 qershor 2021. Fiks fare tregoi se sa e lehtë ishte të hidhje fletë votimi pa qenë anëtar i PD-së.

Pas fitores së marrë për të drejtuar PD-në edhe 4 vite të ardhshme, Lulzim Basha u ka shtrirë dorën e bashkëpunimit 3 kandidatëve, Agron Shehaj, Edith Harxhit dhe Fatbadh Kadillit që i mundi në garë. Kjo ftesë, sipas Bashës është për qëllimin e përbashkët kundër regjimit 'Rama-Doshi', teksa duket si një retorikë e ngjashme me atë atë kryeministrit Edi Rama, i cili pas fitores në 25 prill, ftoi Bashën të bashkëpunonin "për të mirën e vendit".

- Enkeleda Çela, përfaqësuesja e Agron Shehajt në Komisionin e votimit, ka denoncuar dhunën e ushtruar ndaj saj nga kryetari i degës së njësisë numër 5 në Tiranë, Çim Babasi. E ftuar në "Studio Live" në Report Tv, Çela tha se ai ka ndërhyrë që të përjashtohej nga Komisioni, vetëm sepse ajo po kryente detyrën e saj.

Nga

Ermal Qori

Deputetët e opozitës parlamentare e konsiderojnë një ogur të mirë për fitoren e ardhshme të Partisë Socialiste, rikonfirmimin e Lulzim Bashës në krye të PD. Opozitarët e dalë nga listat e PD, por që refuzuan të lënë mandatet thonëqë  zgjedhjet në PD treguan hapur një masakër të vërtetë zgjedhore.

Kryetari i PD-së, Lulzim Basha fitoi një mandat të tretë në krye të partisë.Kryetari i Komisionit Zgjedhor, Jemin Gjana, shpalli zyrtarisht fituesin, edhe pse 24 orë më parë, të dielën në mbrëmje, PD përcolli rezultatet paraprake. Në përfundim të numërimit nuk pati surpriza. Doli i katërti në garë, Kadilli pranon humbjen: Nuk iki, bashkëpunoj edhe me Bashën për manifestin politik. 

Basha falënderoi demokratët për "mbështetjen e jashtëzakonshme" pas fitores, ndërsa ajo që bie në sy është fakti se ai nuk është uruar nga askush në PD, e madje as nga Sali Berisha. Ky i fundit nuk ka bërë asnjë reagim në lidhje me fitoren e Bashës, ndërsa ka postuar në Facebook një video nga fushata zgjedhore e PD në vitin 2009, kur edhe fitoi zgjedhjet.

Mes falenderimeve për të gjithë demokratët që e votuan dhe nuk e votuan, Edith Harxhi ka pranuar humbjen, edhe pse është e bindur se procesi zgjedhor ka pasur parregullsi.