Politikë

SPAK dhe BKH po zhvillojnë një takim këtë të martë në Prokurorinë e Elbasanit në kuadër të parandalimit të krimeve zgjedhore.

Nga

Esiona Konomi

Për shqiptarët që jetojnë në ishujt e Greqisë, sot është dita e fundit për të marrë e dorëzuar fletët e votimit. Të tjerët kanë kohë deri të premten dhe KQZ ju bën thirrje të telefonojnë DHL-në për të kuptuar ku e kanë zarfin e tyre. Celibashi thotë se procesi është duke shkuar shumë mirë.

Presidenti i Republikës, Bajram Begaj, priti sot Ambasadorin Lamberto Zannier, kryesues i misionit të vëzhgimit të OSBE-ODIHR-it për zgjedhjet.

Kreu i KQZ pranoi se 21 mijë zarfe ende nuk kanë shkuar në adresën e zgjedhësve nga kompania postare, ku nga këto 11 mijë adresa nuk janë gjetur nga kompania postare sepse nuk ka qenë e saktë adresa, kurse në 10 mijë raste të tjera janë njoftuar emigrantët nga kompania, por votuesi ende nuk ka shkuar. Kanë mbërritur mbi 140 mijë fletë votimi, 80 mijë votues e kanë marrë zarfin, por s'e kanë dërguar ende

Kandidati i Sali Berishës, Gjin Gjoni është vënë në hetim për shpifje. Policia e Lezhës njofton se ka shpifur për zyrtarë socialistë duke thënë se janë të implikuar në blerje votash. Policia e Lezhës u vu në lëvizje pas kallëzimit që vetë zyrtarët bënë një ditë më parë, të cilët Gjin Gjoni i përmendi me emra publikisht në një postim në Facebook.

Nga Librazhdi, Rama ironizoi Tomor Alizotin për deklaratën ‘do t’ju hamë të gjallë’. Teksa prezantoi programin e PS, Rama iu kërkoi votën qytetarëve te Librazhdit për zgjedhje. Kryesocialisti tha se më 11 maj duhet të shënojnë një fuqi vendimarrëse për të realizuar ambicien evropiane.

Me një tjetër video të një bufi, Rama ironizon Berishën që thotë se është betuar para Ismail Qemalit se do ta largojë kryeministrin nga Shqipëria. Kryesocialisti shkruan se në fakt ai do të largojë Latifin, i cili i mori gjithë ato para dhe nuk i lau dot njollën e zezë të non gratës.

Përmes një videoje në rrjete sociale, kryeministri shprehet se me 16 maj, e gjithë bota do t’i ketë sytë nga Shqipëria e Tirana. 

Sërish tensione në Lezhë. Nënkryetari i bashkisë Fatjon Zefi dhe drejtuesi i OSHEE janë bllokuar nga përfaqësues të partisë së Bashës teksa lëviznin në makinë me targa të huaja. Ndërhyn policia, Ndocaj: Po blinin vota. PS: Shpifje.

Ndryshe nga çdo palë zgjedhje të tjera, kryeministri Edi Rama kërkon mandatin e katërt me premtimin për ta integruar vendin në Bashkimin Europian. Për kryetarin e PS, integrimi nuk është as iluzion e as një truk magjik, por një mundësi historike, për të cilën thotë se për herë të parë BE na hapi dyert.

E nisi me një mesazh për emigrantët në Greqi që të mos e lënë votimin për momentin e fundit. Rama kërkoi votën për të afirmuar përkatësinë evropiane jo vetëm me zakon, por edhe me ligj. Kryesocialisti tha se nëse qytetarët nuk janë të bindur se vota për PS është votë për takimin me historinë, të vendosin votën vetëm për kandidatët në listat e saj.

Në reagimin e tij, Basha i bën thirrje SPAK-ut që të veprojë menjëherë, duke marrë çështjen në dorë dhe çuar para drejtësisë autorët dhe urdhëruesit e këtij skandali.

Ai u shpreh se në Shqipëri, pushteti do që t’i mbajë lidhur qytetarët, që t’i ketë në varësi dhe t’u marrë votën, ndaj ky është modeli që Partia Mundësia kërkon të luftojë dhe të sjellë në Shqipëri mundësitë që janë edhe në Perëndim.