POP 5

Lajmet më të lexuara të 5 minutave të fundit

Kronikë

1.66 mln lekë dreka e kartolina
10 institucione tendera për festatPDF/Shpenzimet e insitucioneve per festat

Festat e fundvitit kanë prodhuar një boom tenderash publik ku institucione përfshi nga ministri, korporata, drejtori, prokurori, gjykata me para publike kërkojnë të blejnë kartolina e zarfe për të uruar në emër të titullarëve të tyre. Sipas një vëzhgimi të Report Tv vetëm 10 institucione publike përfshi dhe Bashki kanë tenderuar 1.66 mln lekë për kartolina dhe shuma të tjera të konsiderueshme për dreka e darka festive për fundvit. VIDEO
Teknologjia ka zbehur masivisht urimet tradicionale për festat e fundvitit, përfshi dhe dërgimin e kartolinave me zarf. Por një vëzhgim i Report Tv nxjerr në pah se e kundërta ndodh me institucionet publike në Shqipëri, ku për të uruar festat titullarët e tyre janë treguar dorë lëshuar me financat publike.

Kartolina me para publike, tendera për dreka festive me stafin dhe dhurata që do të shpërndahen të tretëve janë fluksi më i madh i prokurimeve publike me vlera të vogla në portalin e prokurimeve përgjatë ditëve të fundvitit 2017-t. Siç dhe shihni në këtë faksimile nuk mungojnë institucione nga agjensi në varësi të ministrive, korporata, Bashki dhe pushtet lokal deri tek qendra shëndetësore dhe institucione të drejtësisë të cilat për të uruar fundvitin në emër të drejtuesve të tyre kanë zgjedhur të përdorin paratë publike!

Korporata Elektroenergjitike Shqiptare Tiranë kryeson me shumën më të madhe të vënë në dispozicion me 600.000 lekë për kartolina tender hapur më 22 dhjetor me afat deri në 26 dhjetor, e ndjekur më pas nga Ministria Energjitikës, 420.000 lekë tender i hapur më 15 dhjetor dhe anuluar më 18 dhjetor, si dhe Bashkia Kavajë me 358.000 lekë hapur më 21 dhjetor dhe anuluar më 22 dhjetor.

Në listën e institucioneve që me para publike blejnë kartolina për të uruar një grup të përzgjedhurish nga kontaktet e drejtuesve të institucionit bëjnë pjesë Muzeu Historik Kombëtar, Autoriteti i Mbikqyrjes së Lojrave të Fatit, Universiteti i Mjekësisë Tiranë, Komisioneri për Mbrojtien nga Diskriminimi, Drejtoria Arsimore Gjirokastër, Prokuroria e Rrethit Gjyqësor Korçë, Sh.a Porti Vlorë.

Me një llogari të thjeshtë vetëm për këto 10 institucione që shihni në këtë faksimile paratë publike për kartolina arrijnë në 16.6 milion lekë të vjetra. Por këto nuk janë të vetmit institucione pasi një pjesë e madhe e ka kryer prej fillim dhjetorit këtë procedurë tenderuese ndërsa një pjesë tjetër është duke e kryer sipas burimeve për Report Tv.

Kartolinat nuk janë të vetmet simbolika të festave të fundvitit që titullarët e institucioneve publike i blejnë me paratë e qytetarëve për ti uruar këta të fundit me një urim që sërish paguhet nga taksat e qytetarëve. Në vëzhgimin tonë një shpenzim tjetër që shkon për festat janë dhe drekat apo darkat festive që titullarët e institucioneve organizojnë.

Bashkia Mallakastër organizon drekë festive për stafin me 440.000 lekë nga taksat e qytetarëve, Autoriteti Portual Durrës ka vënë në dispozicion 722 mijë lekë për prenotimin e një ambient dhe drekën festive, Bashkia Konispol me 300.000 lekë për darkën e fundvitit, 250.000 lekë kërkohen për tu shpenzuar nga Universiteti i Tiranës fakulteti Histrori-Filologjisë.


Er.K/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Dëbora në Dibër/ Automjete të shumta bllokohen për afro 2 orë në Qafën e Ulzës, shkak mungesa e zinxhirëve dhe gomave dimërore

Dëbora në Dibër/ Automjete të shumta bllokohen për afro 2 orë në Qafën e Ulzës, shkak mungesa e zinxhirëve dhe gomave dimërore

12 Janar, 15:49