TIRANË- Një muaj pas atentatit ndaj biznesmenit Lulëzim Masha, policia ka identifikuar dhe shpallur në kërkim autorin e dyshuar që qëlloi në drejtim të pronarit të shkollës "Wilson", Lulëzim Masha, në datën 18 janar në afërsi të Liqenit të Thatë në kryeqytet.
Burime nga policia bëjnë me dije se janë kryer disa kontrolle por ai nuk është gjetur. Identifikimi i tij u bë në sajë të disa kamerave sigurie, por edhe të dëshmisë së vetë biznesmenit. Burime pranë policisë për gazetarin e Report Tv, Sokol Dema bëjnë me dije se ngjarja ka ndodhur për konflikte banale.
Si ndodhi ngjarja?
63-vjeçarit Lulëzim Masha iu bë atentat më 18 janar teksa po lëvizte me automjetin e tij tip “Mercedez Benz ML”, ku në drejtim të tij u qëllua me plumba pistolete. Agresori nuk mundi t’a kapte, ndërsa u largua menjëherë nga vendi ngjarjes.
Administratori i shkollës “Wilson” kishte vetëm pak minuta që ishte larguar nga ambientet e punës dhe krejt i vetëm po zbriste nga Kodrat e Liqenit Artificial. Në afërsi të nënkalimit të Liqenit të Thatë u qëllua me tre plumba. Dy prej plumbave e kapën në makinën e 63-vjeçarit. Autori u largua u largua në këmbë.
Dëshmia e Lulëzim Mashës
I marrë në pyetje nga hetuesit, 63-vjeçari është shprehur se prej disa kohësh kishte vërejtur një të ri që e vëzhgonte në ambientet e shkollës “Ëilson” ku ai vetë administron.
Sipas tij, nuk i ka kushtuar shumë rëndësi pasi për shkak të mungesës së konflikteve, nuk e ka konsideruar si ndonjë problem. Masha ka dhënë detaje të pamjes së të riut para grupit hetimor, ndërsa sipas tij personi që ka qëlluar kur ai ishte në lëvizje me makinën e tij, kishte ngjashmëri me atë që e ka vëzhguar tek shkolla.
Një person me mjekër rreth të 30-ave, pak esmer dhe me kapele, ka dëshmuar Lulëzim Masha. Më herët është marrë në pyetje është edhe i vëllai, Fatmir Masha, i cili rezulton i dënuar me 15 vite burg për vrasje. Hetuesit kishin dyshime se ngjarja mund të ketë ndodhur për hakmarrje, por kjo pistë është përjashtuar.
Lajme të tjera
-
Tentoi t’i jepte rryshfet policisë rrugore, arrestohet shoferi në Tiranë (Video)
3 Prill, 18:38 -
Goditi punonjësin e OSHEE-së, arrestohet 21-vjeçari në Tiranë
27 Mars, 13:16 -
Tiranë/ Policia gjen portofol me para, ia kthen gruas që i kishte humbur
19 Shkurt, 10:19 -
Tiranë, përndoqi për rreth 1 vit një vajzë, në pranga 27-vjeçari nga Dibra
14 Shkurt, 08:50 -
Tiranë/ Po eksploronin malin në fshatin Kllojkë, humbin rrugën dy turistet belge! Policia i gjen pas disa orësh (VIDEO)
11 Shkurt, 22:39 -
Tragjike/ 27-vjeçarja bie nga kati i pestë i pallatit në Tiranë, humb jetën në spital
11 Shkurt, 11:40 -
Organizonin lojëra fati në mënyrë të paligjshme, 5 të arrestuar në Tiranë
31 Janar, 08:55 -
Goditi punonjësin e policisë në gjendje të dehur dhe e kërcënoi me thikë, arrestohet 27-vjeçari në Tiranë
29 Janar, 12:03 -
Tentuan të korruptojnë policët e ‘Rrugores’, arrestohen 6 drejtues mjetesh në Tiranë
28 Janar, 11:58 -
Parandalohet ngjarja kriminale në Tiranë, arrestohet 50 vjeçari që dhunonte dhe kërcënonte gruan dhe fëmijët se do i vriste me thikë
27 Janar, 10:48 -
E rëndë në Tiranë/ 35 vjeçari 'burgoste' në shtëpi e dhunonte nënën, gruan e vajzën e mitur! Policia i gjeti të kyçura! Gruaja tentoi vetëvrasjen
26 Janar, 08:28
-
Tre të mitura shfrytëzoheshin për prostitucion në Tiranë, në pranga 3 të rinjtë tutorë, 1 në kërkim! Vajzat ishin larguar nga banesa
24 Janar, 09:26
