POP 5

Lajmet më të lexuara të 5 minutave të fundit

Sociale

1 vit nga tërmeti në Floq ende pa dëmshpërblime! Banorët: Na bënë shumë premtime, s’kemi marrë asnjë lekë

Një vit pas tërmetit shkatërrimtar në rajonin e Korçës, një pjesë e banorëve të Floqit ankohen se nuk kanë marrë ende dëmshpërblimet e premtuara nga qeveria për banesat e dëmtuara. Ata thonë se kanë bërë disa takime me drejtuesit lokal, por vetëm premtime boshe.

Më 1 Qershor 2019 një termet i fuqishëm goditi rajonin e Korçës duke shkatërruar dhjetëra shtëpi në fshatrat Floq, Qafzez dhe Vidohovë.

 Report Tv është rikthyer pranë këtyre banorëve, sot kur bëhet 1 viti nga tërmeti shkatërrimtar. Një pjesë e tyre nuk kanë marrë ende dëmshpërblimet e premtuara nga qeveria.

"As shpërblim asgjë s'kemi marrë. Ne duam aq sa është dëmi, kanë ardhur mbi 20 veta dhe nuk di pse nuk na i japin", shprehet një banore e Floqit.

Një tjetër banore thotë se ma çuam dëmin 6 milionë e 300 mije leke por ende nuk i ka marrë. "Më kishte premtuar Rama se do i bëjmë shtëpitë deri në gusht 2019, por ende nuk i kam marrë", tha ajo.

"E sëmurë jam, vete pa punë, burrin pa punë, s'kemi me çfarë ti bëjmë", ankohet një tjetër banore. 

Ndërsa kjo zonjë na thotë se e ka ndërtuar vete një dhomë për të futur kokën, ndërsa ende janë në pritje të dëmshpërblimit.

"Unë e rregullova vete një dhomë për të futur kokën. Jemi ankuar disa here në bashki. Me aq sa ka investuar bota do ishin bërë shtëpitë tona, por këta të mëdhenjtë i mbajnë leket për vete", shprehet ajo.

Tërmeti me magnitudë 5.3 ballë bëri dëme të mëdha në fshatrat e Korçës. Nga komisionet e vlerësimit dolën 670 banesa të dëmtuara prej të cilave 37 te pabanueshme,78 te dëmtuara rende dhe 555 banesa me dëmtime te lehta. Dy kategoritë e para kanë përfituar, ndërsa kategoria e trete, pra banorët që kishin dëmtime më të lehta ende nuk janë dëmshpërblyer.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Komisioni Hetimor për Shëndetësinë, Zhupa: Milva Ekonomi ka munguar në 2 mbledhje pas akuzave tona për konflikt interesi, e pres si dëshmitare

Komisioni Hetimor për Shëndetësinë, Zhupa: Milva Ekonomi ka munguar në 2 mbledhje pas akuzave tona për konflikt interesi, e pres si dëshmitare

25 Prill, 11:38