Një takim nuk është një gjë e lehtë për tu menaxhuar sidomos për meshkujt.

Përshtypja e parë është mjaft e rëndësishme në mënyrë që ju të keni sukses për tu takuar edhe herë të tjera me atë person.

Femrat e pëlqejnë me të vërtetë mirësjelljen kur bëhet fjalë për një takim me një mashkull, qoftë edhe për një mbrëmje e cila duhet të jetë e kënaqshme në të gjitha aspektet.

Në bazë të këtyre fotove të paraqitura ju do të kuptoni se si duhet të silleni në takimin tuaj të parë. Këto janë dhjetë gjërat që nuk duhet të bëni me një femër.

takimi i pare
 FOTOT E TJERA

1. Mos Pyesni asnjëherë se ku do femra që ta dërgoni. Kjo gjë bën që ju të dukeni i painteresuar për atë takim, prandaj duhet të jeni ju që duhet të zgjidhni vendin.

2. Mos shkoni me vonesë në takim. Një mashkull kavalier duhet të shkojë gjithmonë i pari në takim, madje të marë femrën, nuk duhet ta lërë atë të presë. Përkundrazi i takon atij të presë disa minuta më tepër.

3.E veshura keq. Sigurisht që veshja ka mjaft rëndësi prandaj mos e anashkaloni këtë pjesë dhe kujdesuni që të dukeni sa më bukur. Një veshje e thjeshtë por e kombinuar bukur vlen, madje hidhni dhe pak parfum por pa e ekzagjeruar.

4. Mos u tregoni pa edukatë. Mos bëni gjeste të cilat nuk janë të përshtatshme në një takim të parë. Kurseni gjestet fyese, sepse në të kundërt kjo do t’ju kushtojë. Kur të uleni në tavolinë lini femrën të bëjë zgjedhjen e para, jepini menunë asaj që të shikojë në fillim.

5.Tregohuni të kulturuar. Një mashkull që flet për të gjitha është më i dashur për femrat. Jo që ta ekzagjerojë duke u bërë llafazan, por jo duke folur vetëm për futbollin. Mund të diskutoni mbi librat, kinemanë, artin, fotografinë, shijet e përbashkëta.

6.Mos flisni për ish të dashurat. Të ulur në tavolinë nën dritën e qirinjve në një darkë romantike. Teksa përkëdhelni duart e njëri-tjetrit dhe ti flet për ish të dashurat e tua nuk vlen. Në këtë mënyrë i thoni asaj se ti është thjesht një femër më tepër. Nëse është ajo që ju pyet mundohuni ta argumentoni në mënyrën e duhur.

7. Mos harroni komplimentat. Një femre i pëlqejnë gjithmonë komplimentat dhe nëse harroni ta bëni diçka të tillë do të bëni një gabim të madh. Nëse nuk bëni komplimenta duket sikur personi nuk ju intereson. Por gjithmonë pa e kthyer në banalitet.

8. Lërini radhë të flasë. Nëse ju flisni gjatë gjithë kohës, pa e respektuar femrën që keni përballë do ta bëni të ndihet keq. Duket sikur nuk ju intereson se çfarë ajo ka për të thënë. Femrës i pëlqen që të dëgjohet në bisedë.

9. Mos e paguani ju llogarinë. Femrave të sotme nuk u pëlqen të ndihen të varura ekonomikisht. Por sigurisht që duhet ta merni mundimin të thoni për të paguar ju, sidomos në takimet e para.

10. Mos e ftoni në shtëpi që në takimin e parë. Cdo gjë ka kohën e vet dhe për këtë ju nuk duhet të tregoheni i nxituar. Meshkujt duhet të respektojnë dëshirat e femrave. Nëse ajo nuk jua kërkon që ta përfundoni mbrëmjen me të. Ju mos e bëni këtë gjë. Do të bënit një fihurë të keqe dhe do të tregonit se juve ju intereson vetëm ana seksuale.

Redaksia online
(b.t/shqiptarja.com)