10 vjet pa aktorin Kadri Roshi!
Institucionet kulturore e harrojnë

Kanë kaluar 10 vjet nga ikja e aktorit Kadri Roshi, legjendës se skenës dhe ekranit shqiptar. Në këtë jubile institucionet kulturore nuk kanë organizuar ndonjë aktivitet, por Kadri Roshi është një personalitet i madh i artit, që kujtohet me dashuri dhe nderim nga të gjithë shqiptarët.

Kadri Roshi ka ndërruar jetë më 6 shkurt të vitit 2007. Ishte një aktor brilant dhe me një talent të lindur. Asnjëherë nuk bënte rol për hir të rolit.

Në vitin 1947 Roshit iu dha e drejta e studimit në Zagreb të Kroacisë, si aktor. Me prishjen e marrëdhënieve me ish-Jugosllavinë transferohet në Pragë të Çekisë, ku dhe përfundon në vitin 1950 studimet e tij me rezultatin shkëlqyeshëm.

Roli i tij i parë pasi u kthye në Shqipëri ka qenë “Osipi” tek “Revizori” i Gogolit. Nje nga rolet me te spikatura ishte edhe roli i kujdestarit te filmi “Lukekuqet mbi mure”

Kjo shfaqje pati një sukses të paimagjinueshëm. Kadri Roshi interpretuar gjate jetës së tij përreth 215 role si në teatër dhe në kinematografi, pa përmendur këtu veprimtarinë e tij si regjisor dhe pjesëmarrës në premiera e koncerte të kohës.

Roshi ka mbetur më memorien e shqiptarëve edhe me rolin e Ezopit  në komedinë “Dhelpra dhe Rrushtë”.

Kadri Roshi lindi në 4 janar të vitit 1924, në Ballsh të Mallakastrës, por prindërit e tij, Maksut dhe Sabrie ishin me orgjinë nga Libohova.

Nëna e Kadri Roshit u largua nga jeta, kur Kadriu ishte vetëm 2 vjeç, ndërsa i ati e la jetim në moshën 12-vjeçare.

Pas vdekjes së prindërve, Kadriut i duhej të siguronte jetesën dhe ka punuar herë si punëtor ngarkim shkarkimi në portin e Durrësit, herë si punëtor mirëmbajtjeje, dhe në fund biletaprerës, në ish-kinema Republika, në Tiranë, ku nis të zgjohej ëndrra për t’u bërë aktor. Kadri Roshi u martua në moshën 23-vjeçare me me Drita Tahon, me origjinë nga Gjakova, e cila gjithashtu ishte artiste. Ata udhëtuan bashkë në rrugën e artit. Nga kjo martesë lindën 2 fëmijë, Ermira dhe Kliti, të cilët janë artistë. 

Redaksia Online
XH.K/Shqiptarja.com