POGRADEC- Një grup prej pesë personash të cilët trafikonin klandestinë nga Shqipëria me qëllim transportin e tyre në vendet e BE është shkatërruar ditën e sotme. Pesë persona me inicialet H.H, 30 vjeç, B.Gj, 27 vjeç, A.B, 19 vjeç, E.I, 27 vjeç, M.M, 20 vjec dhe E.K, 29 vjeç po transportonin 19 emigrantë të paligjshëm kundrejt pagesës 1000- 1500 euro për person.
Pesë personat të cilët ishin banues në Domje apo në Tiranë, i morën klandestinët nga Bilishti, qytet shumë afër pikës kufitare të Kapshticës me Greqinë nga ku vijnë shumica e klandestinëve në Shqipëri dhe me anë të një mjeti minibusi tip Wolkswagen iu drejtuan kryeqytetit. Pikërisht në aksin Pogradec- Qafë Thanë grupi i trafikantëve bashkë me klandestinët është pikasur nga Policia e cila i ka urdhëruar të ndalonin, por trafikantët kanë kundërshtuar urdhërin.
Nuk dihet se si do të vijonte itinerari i trafikantëve dhe klandestinëve por këta të fundit si qëllim kishin vendet e Bashkimit Europian.
NJOFTIMI I PLOTË I POLICISË
Pogradec
Vijojnë operacionet për goditjen e veprimtarisë kriminale në fushën e dhënies së ndihmës shtetasve të huaj, për kalim të paligjshëm të kufirit, kundrejt fitimit.
Finalizohet operacioni policor, i koduar “Klandestinët” si rezultat i të cilit goditen dy raste të tjera.
Kapen duke transportuar 19 shtetas të huaj, arrestohen në flagrancë 5 shtetas dhe 1 tjetër shpallet në kërkim.
Strukturat për Hetimin e Krimeve në Drejtorinë Vendore të Policisë Korçë, në bashkëpunim me shërbimet e Komisariateve të Policisë Pogradec dhe Korçë, kanë zhvilluar dhe finalizuar një tjetër operacion policor, ku falë veprimeve të mirëorganizuara kanë goditur dy raste, të veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit, kundrejt fitimit me qëllim dërgimin drejt vendeve të BE-së, si rezultat i të cilit u bë kapja dhe arrestimi në flagrancë i shtetasve:
• H.H, 30 vjeç, banues në fshatin Domje, Tiranë.
• B.Gj, 27 vjeç, banues në fshatin Domje, Tiranë.
• A.B, 19 vjeç, banues në Kamëz, (i dënuar më parë për veprën "Prodhimi dhe shitja e narkotikëve").
• E.I, 27 vjeç, banues në Tiranë.
• M.M, 20 vjec, banues në Tiranë.
Si edhe është shpallur në kërkim shtetasi:
• E.K, 29 vjeç, banues në Domje, Tiranë.
Nga veprimet hetimore të kryera, rezulton se pesë shtetasit H.H; B.Gj; A.B; E.I dhe E.K, në periferi të qytetit të Bilishtit, kanë marrë në mjetin tip minibus, të markës “Volksëagen”, 15 shtetas të huaj, me qëllim kalimin e tyre më pas drejt vendeve të BE-së, kundrejt pagesës 1000 deri në 1500 Euro secili. Në aksin rrugor Pogradec-Qafë Thanë në dalje të Pogradecit shtetasit A.B dhe E.I, nuk i janë bindur urdhërit të punonjësve të policisë për të ndaluar, por falë ndërhyrjes së menjëhershme është bërë e mundur ndalimi dhe arrestimi i tyre në flagrancë.
Gjithashtu në fshatin Memëlisht, Pogradec, shërbimet e Policisë kanë konstatuar shtetasin M.M, duke transportuar me mjetin tip “Peugeot”, 4 shtetas të huaj.
Materialet në ngarkim të tyre i kaluan Prokurorisë pranë Gjykatës së Shkallës së Parë Pogradec për veprat penale “Ndihma për kalim të paligjshëm të kufirit” dhe “Mosbindja ndaj urdhërit të punonjësit të policisë së rendit publik” kryer në bashkëpunim, parashikuar nga nenet 298/3, 242 e 25, si edhe 298/2 të Kodit Penal.
Lajme të tjera
-
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Aksident me 3 të plagosur, bllokohet për 1 orë e gjysmë aksi Pogradec-Lin (VIDEO)
14 Nëntor, 16:26 -
Nënshkruhet në Azerbajxhan memorandumi i gazifikimit të Korçës, Me Emiratet Arabe firmoset marrëveshja për kompani të përbashkët energjetike
12 Nëntor, 18:28 -
Pogradeci largoi trajnerin, ul në stol ish-in e Tiranës
12 Nëntor, 10:00 -
37 vite nga vdekja e Lasgush Poradecit! Liriku i madh i letërsisë dhe atdhetari i mbrojtjes së kombit dhe traditës së Rilindjes
12 Nëntor, 09:05 -
Renditja/ Kukësi fiton pas pesë ndeshjeve, mposht Erzenin në Shijak! Kastrioti mund Pogradecin, Nikaj jep dorëheqjen
9 Nëntor, 16:25 -
Kërcënoi në krye të detyrës gazetarin e Report TV Armand Braho, Prokuroria e Korçës nis hetimet për shoferin e Bashkisë Pogradec
8 Nëntor, 12:15 -
Kërcënoi në krye të detyrës gazetarin e Report TV Armand Braho, vihet nën hetim shoferi i Bashkisë Pogradec
7 Nëntor, 15:18 -
Kërcënohet gazetari i Report Tv, Armand Braho: Shantazh në krye të detyrës nga shoferi i Bashkisë Pogradec, s’tërhiqem nga misioni im për të vërtetën
6 Nëntor, 19:02 -
Pogradec/ I dehuri shkatërron parukerinë me sende të forta, Policia e shoqëron! Të panjohura motivet (VIDEO)
4 Nëntor, 21:28 -
Shfaqet sëmundja e zgjebes në Pogradec! Nga 7 raste, 3 janë në konviktin turk
2 Nëntor, 13:05
-
Aksident në aksin Pogradec-Lin! Përplasen tre automjete, plagosen burrë e grua, dërgohen në spital
1 Nëntor, 17:30
