POP 5

Lajmet më të lexuara të 5 minutave të fundit

Sport

11 janari pritet 'luftë' në Londër, boksieri Bermeta: Në ring vetëm për fitore, 2025-ën e kurorëzoj me një tjetër titull

Për herë të 20 në karrierë, boksieri shqiptar Alban Bermeta, të shtunën e 11 janarit do të ngjitet në ring për të dueluar kundër Mirsad Cebos. 33-vjeçari thotë për Report TV se llogarit vetëm fitoren dhe se pret një sallë të mbushur plot me shqiptarë në Londër.

Për Alban Bermetën nuk ka pushim. Vetëm pak ditë nga ndeshja e fundit, boksieri i cili mban renditjen më të lartë në boxrec nga shqiptarët, do të ngjitet sërish në ring me datë 11 janar. 33-vjeçari do të duelojë në boksin profesionist përballë Mirsad Cebos.

“Është një ndeshje shumë e rëndësishme për mua sepse mbroj titullin WBO Global, në një vend që është maja e boksit si Londra. Jam duke bërë përgatitjen fizike me një trajner kubanez që është shumë i mirë, ndërsa përgatitjen teknike me Artur Koçin, i cili është një trajner që e njohin të gjithë shqiptarët,”-u shpreh Alban Bermeta, boksier.

Kundërshtari i Bermetës, Mirsad Cebo, është 35-vjeç nga Bosnje-Hercegovina, ndërsa në karrierë numëron 25 ndeshje për peshat e mesme nga të cilat 22 janë fitore.

“Çdo boksier, edhe me nivel më të lartë apo të ulët, ose krahina nga është, nuk ka të bëjë shumë për mua pasi unë synoj vetëm fitoren,”-tha boksieri.

Ashtu si në nëntor, edhe më 11 janar Bermeta do të grushtojë në skenën e madhe të York-Hall të Londrës ku priten shumë shqiptarë.

“Unë isha në Londër ndeshjen e kaluar, por jam ndierë edhe më mirë se në Shqipëri. Falë tifozëve shqiptarë. Besoj se edhe këtë herë do mbushet më shumë. Jam i sigurtë se do të ndjehem si në Shqipëri edhe atje,”-deklaroi Bermeta.

Për Alban Bermetën kjo është ndeshja e parë në 2025, ndërsa 33-vjeçari ka objektiva të mëdha për këtë vit.

“Shpresoj që ta mbroj këtë titull dhe të luftoj për një titull edhe më të rëndësishëm në rang botëror,”-u shpreh Alban Bermeta.

Në boksin profesionist Alban Bermeta numëron 19 ndeshje nga të cilat 18 janë fitore, 14 me nokaut, ndërsa numëron vetëm 1 barazim.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Davide Frattesi kërkon largimin nga Interi, klubi i vendos çmimin 'e kripur'

Davide Frattesi kërkon largimin nga Interi, klubi i vendos çmimin 'e kripur'

8 Janar, 13:14