Teuta dhe Tirana luajnë nesër në orën 17:00 në Durrës. Në "Niko Dovana" do luhet sfida e javës së 20-të në Superligë, me vendasit e Edi Martinit që janë në fundin e renditjes.
Trajneri shkodran i Teutës, Martini ka besim se pas 11 sfidave pa fitore radhazi, të tijtë do bëjnë kthesën kundër Tiranës. Nga ana tjetër, bardheblutë kanë dy vite që nuk fitojnë në Durrës.
“Me Tiranën është ndeshje shumë e vështirë. Jemi stërvitur me maksimumin e ritmit, duke ditur edhe pozitat në klasifikim. Është një ndeshje që kërkohet ta fitojmë. Ndjesia nuk është e mirë, pasi të shikosh veten në fund nuk ndihem mirë. Megjithatë në ndeshjet që kemi luajtur kemi qenë të barabartë, pavarësisht kundërshtarëve dhe që nuk kemi arritur të fitojmë. Ndoshta kjo nuk ka ardhur për çështje fati, por edhe ana psikologjike nuk ka qenë e mirë", tha Martini.
Trajneri thotë se janë edhe 51 pikë në lojë dhe të tijtë do bëjnë çdo gjë për të siguruar mbijetesën.
"Me 51 pikë në lojë ne do të vazhdojmë të ecim përpara dhe të arrijmë sa më shumë fitore, mundësisht që nesër. Unë mendoj se më tepër është ana psikologjike ajo që i ka rënduar futbollistët për të mos shënuar gola, por sulmi dhe mbrojtja e një ekipi janë një. Kështu që nuk është vetëm faji i tyre, por edhe çështje fati. Ajo që duhet tani, është që djemtë të jenë të qetë para ndeshjes, të japin maksimumin në fushën e lojës, të fitojmë dyluftimet dhe topin e parë", tha shkodrani.
Martini më pas foli për Tiranën, duke treguar se e njeh kundërshtarin dhe pikat e forta të tyre.
"Kundërshtari? E dimë se çfarë pikash të forta ka Tirana. Kushdo që të shënojë gol nesër nuk ka rëndësi, pasi ne na duhet fitorja. Nuk do i vë sulmuesit para përgjegjësisë. Ka ardhur koha që të fitojmë. Presioni është i madh, por këta djem kanë treguar të kalojnë presione edhe më të vështira. Jam i bindur te kthesa nesër ndaj Tiranës. Situata është e mirë dhe të gjithë lojtarët janë të gatshëm për ndeshjen. Merkato? Mund të ketë ndonjë gjë të vogël, por unë e quaj ekipin të kompletuar”, u shpreh Martini.
Teuta me 16 pikë mban vendin e fundit në renditje, teksa Tirana me 29 pikë pozicionohet e treta pas 19 javësh të luajtura në Superligë.
Lajme të tjera
-
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Kampione e dimrit, kapiteni Dita rrëfen Dinamon për Report TV: S’fshihemi për titullin, ‘Final-4’ i çuditshëm
25 Dhjetor, 13:41
-
Kremtohet Krishtlindja në Durrës, besimtarët e krishterë luten për paqe dhe mirësi
25 Dhjetor, 10:27 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Durrës/ Kamioni përplas për vdekje 40-vjeçarin me biçikletë në rrugë, shoferi arratiset nga vendngjarja! Bllokohet mjeti, identifikohet viktima (VIDEO+FOTO)
24 Dhjetor, 17:32 -
Miratohet buxheti i bashkisë së Durrësit për 2025/ Anëtari i PD-së del nga rreshti, ja çfarë parashikon
24 Dhjetor, 16:34
-
Porti i Durrësit, rinis udhëtimi i trageteve
24 Dhjetor, 13:08 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Moti i keq në Durrës, ishte ankoruar në portin e peshkimit, fundoset peshkarexha ‘Gimi dhe Geri’
23 Dhjetor, 14:40 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
VIDEOLAJM/ Dy tragete përplasen në kalatën e portit të Durrësit, shkak moti i keq! S'ka të plagosur
23 Dhjetor, 13:01 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52
