POP 5

Lajmet më të lexuara të 5 minutave të fundit

Kosova & Rajoni

111 vjetori i çlirimit të Janinës nga pushtimi osman, Dendias përmend Shqipërinë: Të respektojë të drejtat evropiane për t’u anëtarësuar në BE

Ministri i Mbrojtjes së Greqisë, Nikos Dendias i cili mori pjesë në një ceremoni të organizuar në kuadër të 111 vjetorit të çlirimit të Janinës nga pushtimi osman, nuk la pa përmendur edhe Shqipërinë.

111 vjetori i çlirimit të Janinës nga pushtimi osman, Dendias përmend Shqipërinë: Të respektojë të drejtat evropiane për t’u anëtarësuar në BE

Presidentja greke Katerina Sakellaropoulou dhe ministri i Mbrojtjes Nikos Dendias

Ministri i Mbrojtjes së Greqisë, Nikos Dendias i cili mori pjesë në një ceremoni të organizuar në kuadër të 111 vjetorit të çlirimit të Janinës nga pushtimi osman, nuk la pa përmendur edhe Shqipërinë.

Gjatë fjalës së tij, duke iu referuar përpjekjeve të vendeve të Ballkanit Perëndimor për anëtarësim në BE, Dendias i kërkoi Shqipërisë që të respektojë të drejtat evropiane, duke nënkuptuar mbajtjes në paraburgim të kryebashkiakut të zgjedhur të Himarës, Fredi Beleri, gjë e cila sipas Athinës zyrtare, bie ndesh me praktikat evropiane të të drejtave të njeriut.   

“Greqia është një vend fort pro perspektivës evropiane të Ballkanit Perëndimor. I referohem edhe Shqipërisë fqinje, e cila, megjithatë, gjithmonë në përpjekjen e saj për t'u bashkuar me familjen evropiane, duhet të ketë edhe nevojën për të respektuar acquis evropiane”- u shpreh Dendias.

Mesazhi i Dendias vjen një ditë pas vizitës zyrtare të kryeministrit Edi Rama në Turqi ku u prit nga presidenti turk Rexhep Taip Erdogan dhe u firmosën disa marrëveshje mes dy vendeve. 

Arrestimi i Fredi Belerit për shitblerje të votave për zgjedhjet lokale të 14 majit, vijon të mbetet një çështje e nxehtë mes 2 vendeve, derisa Greqia paralajmëroi se mund të ndikonte edhe në përparimin e Shqipërisë drejt integrimit europian.

Ndërkohë, në 19 mars pritet të mbahet seanca në Gjykatën Kushtetuese për kërkesat e Fredi Belerit mbi shfuqizimin e masave të sigurisë ndaj tij dhe lejen për t’u betuar si kryebashkiak i Himarës.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Soll lili: 22/02/2024 15:24

    Çlirimi!!!Ai ishte pushtimi I Janines nga greket.Vullnetaret shqiptare te braktisur nga forcat turke,luftuan tre muaj ne mbrojtje te Janine's.

    Përgjigju
  • Ikmerr: 22/02/2024 08:21

    Kur nuk i respektoni ju që jeni në BE, c'prisni nga ne? Ne do ju respektojmë juve akoma më shumë kur të jemi në BE mos u shqetësoni.

    Përgjigju
  • Maks: 22/02/2024 06:25

    Per grekerit e rinj dmth per gjith ata qe sot formojn greqin kjo eshte fest pse cliruan janinen Por per ne shqiptaret eshte nje pushtim i ri nga nje shtet ku ne rrenjet e tij ka fene obskurantiste ortodokse antishqiptare Gazeta duhet ta shoqeroj me historin e vertet te renies se janines Sepse jan vrar dhe masakruar dhjetra mijra shqiptar

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu