Më datë 15 korrik përfundon afati për regjistrimin e nxënësve në gjimnaze. Fiqiri Çifliku përgjegjës në drejtorinë e arsimit parauniversitar tregon për Report Tv se risi këtë vit do të jetë regjistrimi online, një projekt pilot që do të zhvillohet në tre shkolla. Çifliku shpjegon se në momentin e regjistrimit duhet dëftesa e klasës së nëntë, formulari i lëndës me zgjedhje dhe deklarimi i të dhënave për prindin dhe fëmijën.
Këtë vit regjistrimet në shkollë do kryhen më herët. Për nxënësit që do të nisim një rrugëtim të ri, atë të gjimnazit periudha e regjistrimit do të zgjasë nga data 1-15 korrik. Risia këtë vit është regjistrimi online.
"Këtë vit procedura e regjistrimit ka ndryshuar në saj të rregullores së re, për filloren dy javët e fundit të qershorit, kurse në gjimnaz në dy javët e para të korrikut, 1-15 korrik. Këtë vit po pilotohet në tre gjimnaze 'Arben Broci', 'Sinan Tafaj' dhe 'Konstantin Kristoforidhi', regjistrimi përmes platformës e-albania, për t'i ardhur në ndihmë njerëzve, që ta bej aplikimin nëpërmjet platformës. Pas testimit të sistemit do shtrihet në të gjithë Shqipërinë. Do ofrohet mundësia të bëhet regjistrimi duke mos harxhuar aspak kohë", tha Çifliku.
Fiqiri Çifliku, përgjegjës i sektorit të burimeve njerëzore, shërbimeve dhe statistikës në drejtorinë e arsimit parauniversitar, tregon dhe dokumentacionin e nevojshëm për regjistrim.
"Pranë shkollës duhet dëftesa e klasës së 9-të, formulari i lëndëve me zgjedhje dhe një shtojcë në rregulloren e re, deklarimi i të dhënave të prindit dhe të fëmijës. Në shkollat pilot: të skanohet diploma e klasës së 9, futet në sistem të dhënat për lëndët me zgjedhje dhe automatikisht plotësohen dhe të dhënat e shtojcës" tha Çifliku.
Regjistrimi bëhet në bazë të zonës ku jeton por ndër vite ka pasur preferenca për gjimnaze të caktuara. Këtë vit regjistrimet do të bëhen në bazë të kapaciteteve të shkollave.
"Këtë vit do merren kapacitetet e secilës shkollë dhe do pranojë nxënës për aq kapacitete sa ka si fizikë por dhe të burimeve njerëzore. Nëse ka vend mund të regjistrohen të tjerë, por kriteret do vendosen nga shkolla", tha Çifliku.
Në të gjithë vendin pritet që të regjistrohen 34 mijë nxënës, ndërkohë që po përgatiten skenarë të mundshëm për rifillimin e shkollës në shtator, për shkak të pandemisë covid-19.
Lajme të tjera
-
Nisin në shkurt ndeshjet e ekipeve sportive në shkolla, pjesë nxënës të moshës 8-17 vjeç! Baza materiale falas! Ylli: Projekti përqafohet nga prindërit
28 Janar, 16:40
-
Për 2023 sëmundshmëria kronike u rrit 5,9%, shkak plakja e popullsisë dhe pasojat e Covid
23 Janar, 07:37 -
'Open Day', nxënësit ekselentë të Gjimnazit “Ismail Qemali” vizitë në Ministrinë e Mbrojtjes
30 Nëntor 2023, 17:06 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
Regjistrimet e klasave të para dhe të 10, nga 21 gushti deri më 1 shtator faza e dytë e aplikimeve! Procedura zgjat vetëm pak minuta
14 Gusht 2023, 21:54 -
Udhëzimi/ Ulet në 30 numri i nxënësve për një klasë në sistemin parauniversitar! Shkollat me mbi 800 nxënës do të kenë 3 nëndrejtorë
17 Korrik 2023, 18:15
-
Hapen regjistrimet online për klasën e dhjetë. Risia për arsimin parauniversitar: dëftesa me vulë elektronike
7 Korrik 2023, 18:45 -
Nisin sot regjistrimet në e-Albania të nxënësve në klasat e dhjeta, procedura zgjat vetëm pak minuta! Afati deri më 20 korrik
7 Korrik 2023, 08:22 -
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
FOTO/ Transformimi i gjimnazit ‘Besnik Sykja’, Rama: Do jetë gati në shtator
14 Qershor 2023, 08:23 -
Të rinjtë po braktisin gjimnazin, 7.4% më pak në 2022! Ulet numri i të diplomuarve në të gjitha nivelet arsimore! ‘Bujqësia’ nuk pëlqehet, preferohet biznesi
24 Maj 2023, 16:41
