Në Gllogjan, në 13 vjetorin e rënies heroike nderohen dëshmoret e lirisë në mesin e të cilëve edhe gjenerali Shkëlzen Haradinaj.

Shkëlzen Haradinaj ishte komandant i njësisë së artilerisë së rëndë për tërë rajonin e Dukagjinit, njëherish vëllau i Ramush Haradinajt.

Familjarët e familjeve të dëshmorëve janë shprehur të pakënaqur me trajtimin institucional për këtë kategori të shoqërisë sonë.

Të pakënaqur me trajtimin e familjarëve të dëshmorëve dhe gjendjen aktuale politike në vend janë shprehur edhe deputetet e Kuvendit të Kosovës, Rexhep Selimi nga Vetëvendosja dhe Daut Haradinaj nga AAK.
Ata kritikuan qeverinë dhe politikat qeverisëse, poashtu edhe ligjin për dëshmorët dhe veteranët e UÇK-së.

Dëshmorët e lirisë të Brigadës 131 "Jusuf Gërvalla" ranë heroikisht më 16 prill të vitit 1999 në betejën e lavdishme të Maznikut. 

/rg/shqiptarja.com/