POP 5

Lajmet më të lexuara të 5 minutave të fundit

Arkiva

14-vjeçari bëhet i famshëm pas
arrestimit për shkak të shpikjes

Një 14-vjeçar që dashuron shkencën dhe shpikjen, u arrestua për shkak të dyshimeve kishte ndërtuar një bombë. Në fakt Ahmed Mohamed kishte marrë me vete në shkollë një orë të bërë në shtëpi, gjë për të cilën mësuesja dyshonte se ishte bombë. Fotoja e tij me bluzën NASA dhe me duart pas shpine me pranga, zemëroi shumë njerëz. Ky imazh po bën xhiro në rrjetet sociale, ku disa shprehen se ai është ndëshkuar për shkak të besimit.
SHBA – Një 14-vjeçar që dashuron shkencën dhe shpikjen, u arrestua për shkak të dyshimeve kishte ndërtuar një bombë. Në fakt Ahmed Mohamed kishte marrë me vete në shkollë një orë të bërë në shtëpi, gjë për të cilën mësuesja dyshonte se ishte bombë.

Fotoja e tij me bluzën NASA dhe me duart pas shpine me pranga, zemëroi shumë njerëz. Ky imazh po bën xhiro në rrjetet sociale, ku disa shprehen se ai është ndëshkuar për shkak të besimit.

Shkencëtarë, njerëz të njohur, politikanë dhe njerëz të thjeshtë kanë shprehur mbështetje për Ahmed.

ahmed

Në mbështetje të tij ka bërë dhe një postim Presidenti i SHBA-ve, Barack Obama, i cili e ka ftuar muajin e ardhshëm të vizitojë Shtëpinë e Bardhë në natën e përvitshme të Astronomisë.

“Orë e bukur Ahmed. Doni ta ftojmë në Shtëpinë e Bardhë? Ne duhet të frymëzojmë më shumë fëmijë që ta duan shkencën. Kjo është ajo që e bën Amerikën të madhe”, shkruan Obama.

ora

Në mbështetje të 14-vjeçarit ka reaguar edhe themeluesi i Facebook, Marc Zuckerberg.

“Të kesh aftësi dhe ambicie për të ndërtuar diçka duhet të të sjellë duartrokitje dhe jo arrestimin. E ardhmja u përket fëmijëve si Ahmed. Ahmed, nëse dëshiron të vish në Facebook, do të ishte kënaqësi të të takoja”, shprehet Zuckerberg.

Edhe Twitter i ofroi Ahmed-it intership. 

pranga

14-vjeçari ka shpjeguar arsyen e shpikjes së orës: “E krijova për t’i bërë përshtypje mësueses, por kur ia tregova, ajo mendoi se po e kërcënoja. Ishte e trishtueshme që ajo mori përshtypjen e gabuar”, u shpreh Ahmed.

Ahmed u pezullua tre ditë nga shkolla, ndërsa policia thotë se nuk do të ngrejë akuza ndaj tij.

Redaksia Online
(f.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Reshje dëbore në Kukës, qarkullimi i lirë në Kalimash-Morinë! Disa fshatra pa energji elektrike

Reshje dëbore në Kukës, qarkullimi i lirë në Kalimash-Morinë! Disa fshatra pa energji elektrike

11 Janar, 11:34