Shkoi nga Kruja në Ballsh dhe mashtroi qytetarët për 4 ditë, në pranga i moshuari që përfitoi dhjetëra mijëra euro

Foto ilustruese

BALLSH- 70-vjeçari nga Thumana e Krujës, i hetuar dy herë më parë për mashtrim ka gjetur një mënyrë të shpejtë për të bërë para, duke mashtruar qytetarët me premtimin se do i punësonte në një firmë që ndërtonte rrugë, ku sipas policisë, H.Sh., u ka marrë  nga 1400 euro deri në 10 mijë euro disa personave.

Operacioni 'Premtimi' ka vënë në pranga të moshuarin që prezantohej si menaxher i një firme ndërtimi të rrugëve dhe në banesën e tij të marrë me qira janë sekuestruar një sasi parash, dokumente noteriale dhe dokumente të tjera.

Sipas informacionit të policisë 70-vjeçari për 4 ditë, nga data 23 tetor deri dje ka mashtruar shumë persona në Ballsh dhe ka marrë disa dhjetëra mijëra euro.

Tashmë i moshuari do të përballet me hetimet për mashtrim, akuzë kjo, e cila nuk e mban dot në qeli 70-vjeçarin për shkak të moshës mbi 65 vjeç.

B.K./er.k./Shqiptarja.com
  • Sondazhi i ditës:

    Zgjaten pa afat masat anti-COVID dhe kufizimi i lëvizjes nga ora 22:00 deri ne 06:00, a jeni dakord?

Komento


×

Lajmi i fundit

John

Këshilli i Evropës zbardh raportin për situatën e korrupsionit në Shqipërisë