Reshjet po i mundojnë fëmijët në Plan të Bardhë të Klosit. Rreth 20 minuta në këmbë deri në asfalt për të gjetur makinë të rastit drejt shkollës. Prindërit kërkojnë transport të sigurt për fëmijët nga fshati deri në Klos, 12 km larg.
"Janë 15 fëmijë të lagjes që i gjen ora 10 pa gjetur fugon për të shkuar tek shkolla. U bënë disa herë që e kemi ngritur kërkesën te bashkia, te arsimi. Arsimi na ka thënë se nuk kemi çfarë të bëjmë më tepër, kaq mundësi kemi. Shkolla e Planit të Bardhë është larg, si me shkuar në Klos, si me shkuar në Plan të Bardhë në rrugë këmbësore çfarë garancie kam unë se ka edhe kafshë të egra rrugëve. Tani vazhdon edhe furtuna, nuk mundemi me i dërguar atje" tha Agron Skordha, banor i fshatit.
Plan i Bardhë po braktiset dhe ato pak familje refuzojnë ti çojnë fëmijët në shkollën e fshatit pasi mësimi bëhet në klasa kolektive
Fiqiri Kuka gjyshi i fëmijëve që kanë shqetësimin thotë se: "Ne dalim që në mëngjes dhe deri në drekë rrimë në rrugë, duke pritur makina të rastit. Fëmijët rrinë gjithë ditën në rrugë, se i shtyp makina, se vijnë apo jo në shtëpi, nuk dimë gjë. Unë mendohem për këtë punë për fëmijët e fëmijëve, se unë vetë jam 84 vjeç."
Report Tv u interesua pranë Drejtorisë Arsimore të Klosit, ku mësojmë se tenderi për transportin e fëmijëve të fshatit Plan i Bardhë ka dështuar.
"Prokurimet për transportin me organizimin e ri të drejtorive dhë zyrave arsimore, nuk e bën më drejtoria arsimore, por bëhet nga drejtoria rajonale Durrës. Por për shkak të numrit të pakët dhe mungesës së banorëve të asaj zone dhe mungesës të transportit publik që ka në atë zonë, ky tender në vitet e kaluara ka dështuar dhe po në mbështetje të këtij ligji, ne si zyrë arsimore kryejmë të gjithë detyrimet duke paguar transportin e këtyre fëmijëve në mbështetje të këtij ligji", thotë Teuta Karaj, drejtoreshë e Zyrës Arsimore Klos.
Por bashkia dhe zyra arsimore u kërkojnë prindërve ti kthejnë fëmijët në klasat kolektive të fshatit.
"Ne e kuptojmë që mësimi në klasa kolektive mbart problemet e veta, por nuk është e vetmja shkollë që ne kemi me klasa kolektive si në Bashkinë Klos, ashtu edhe në shkallë republike. Shpërngulja e popullsisë ka bërë që këto klasa kolektive të ekzistojnë", tha Karaj.
Deri kur te gjendet një zgjidhje, fëmijët e Planit të Bardhë do të vazhdojnë të kërkojnë makinë të rastit për në shkollë
Lajme të tjera
-
'Big Brother' Balla: Shumë shpejt 200 km e parë do monitorohen me kamera e radarë, në rrugë s'do ketë patrulla policie
11 Prill, 10:33 -
Instrumentistët e talentuar të Lezhës përgatiten për koncertin klasik, sjellin në skenë vepra të kompozitorëve të njohur
1 Prill, 12:07 -
Plagoset me thikë 15-vjeçari në Gjirokastër
8 Mars, 08:12
-
Zbehet simbolika e luleve e kartolinave për 7 Mars, dhurata e zarfe me lekë për mësuesit
6 Mars, 15:26
-
Nisin në shkurt ndeshjet e ekipeve sportive në shkolla, pjesë nxënës të moshës 8-17 vjeç! Baza materiale falas! Ylli: Projekti përqafohet nga prindërit
28 Janar, 16:40
-
Fier/ Rritet interesi i të rinjve për degët e bujqësisë, në shkollën e mesme bujqësore ndjekin mësimin 200 të rinj! 33% nxënës më shumë se një vit më parë
28 Janar, 15:53 -
Punimet për gjimnazin 'Isa Boletini' në Vorë, Rama: Një ndër 30 shkollat që përfundojnë brenda vitit
27 Janar, 13:55 -
Përplasen dy makina në aksin Burrel-Klos, plagosen 2 pasagjerë
25 Janar, 16:53 -
Makina ‘made in Albania’ për transportin e nxënësve! Prindërit: Furgoni kushton shumë, gjyshërit çojnë fëmijët në shkollë
20 Janar, 16:17
-
Paketa e Sigurisë në Shkolla, Balla thirrje nxënësve nga Kruja: Bashkëpunoni sa më shumë me Policinë e Shtetit
17 Janar, 15:59 -
Mbi 107 mijë fëmijë përfituan nga programi i depistimit të shikimit në shkolla, rreth 13 mijë u referuan për vizitë te mjeku
16 Janar, 13:26 -
Ashpërsim i veprave penale që cënojnë të miturit dhe të rinjtë, Balla për sigurinë në shkolla: Do instalohen kamera nëpër rrugët pranë institucionit
18 Dhjetor 2023, 18:22
