Rriten shifrat për 24 orët e fundit në vend/ 15 viktima nga COVID dhe 787 raste të reja! 393 pacientë të shtruar në spitale

15 viktima nga COVID dhe 787 raste të reja nga COVID! Ky është bilanci i ministrisë së Shëndetësisë dhe Mbrojtjes Sociale për 24 orët e fundit në vendin tonë sa i përket situatës së pandemisë.

Në 24 orët e fundit nuk kanë arritur të fitojnë betejën me sëmundjen 15 qytetarë në spitalet COVID: 8 nga Tirana, 2 nga Tepelena, 2 nga Berati, 1 nga Vlora, 1 nga Elbasani, 1 nga Korça. Viktimat kanë qenë të moshave 57-77 vjeç.

Gjithsej janë kryer 2745 testime dhe kanë rezultuar pozitivë 787 qytetarë. Rastet pozitive të konfirmuara janë identifikuar në këto bashki:

267 raste në Tiranë, 43 raste në Berat, 41 raste në Durrës, 40 raste në Shkodër, 38 raste në Vlorë dhe Sarandë, 27 raste në Lushnje, 25 raste në Elbasan, 24 raste në Fier, 23 raste në Korçë, 19 raste në Lezhë, 18 raste në Krujë, 15 raste në Kavajë, Mallakastër, Pogradec, 13 raste në Kurbin, 11 raste në Devoll dhe Librazhd, 10 raste në Gjirokastër dhe Tepelenë, 9 raste në Tropojë, Malësi e Madhe dhe Gramsh, 8 raste në Has, Përmet, Dibër, 7 raste në Mat, 6 raste në Mirditë, 5 raste në Delvinë, 3 raste në Kukës, Peqin, 2 raste në Pukë, Kamëz, Kuçovë, 1 rast në Kolonjë, Skrapar dhe Shijak.

Ndërkaq janë shëruar 517 qytetarë, duke e çuar numrin e të shëruarve 26.898 që nga fillimi i epidemisë. Numri i të shtruarve në spitale, ministria thotë se vijon të jetë i qëndrueshëm. Aktualisht në 4 spitalet COVID, po trajtohen 393 pacientë, 26 në terapi intensive nga të cilët 11 pacientë janë të intubuar.

Ministria apelon qytetarët të jenë të kujdesshëm në zbatimin e rregullave të higjienës, distancimit fizik dhe vendosjen e maskës dhe të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për t’u referuar për testim, ndjekje të vazhdueshme dhe për rimbursimin e barnave të trajtimit ambulator në banesë.

"Nëse nuk e dini cili është mjeku juaj i familjes, telefononi linjën e gjelbër falas 0800 40 40 për ta mësuar dhe për t’u vendosur në kontakt me mjekun tuaj të familjes.Gjithashtu është në dispozion 24 orë në 7 ditë të javës numri unik 127 i Urgjencës Kombëtare, ku mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID", thotë më tej në apel ministria.

COVID-19 – Statistika (17 Dhjetor 2020)

Raste të reja ditore         787

Të shëruar ne 24 orë      517

Të shtruar në spitale      393

Humbje jete në 24 orë   15

Testime ditore              2745

Testime totale          231.897

Raste pozitive            51.424

Raste të shëruara     26.898

Raste Aktive             23.471

Humbje jete              1055

Shpërndarja gjeografike e rasteve aktive sipas qarqeve:

Tiranë 12594

Fier  1743

Durrës  1395

Shkodër    1254

Vlorë      1157

Korçë     1090

Elbasan  986

Berat  925

Lezhë  920

Gjirokastër  555

Kukës  458

Dibër  394

TAG:
• ministria e shendetesise
• koronavirusi ne shqiperi
• Viktimat Covid
• spitalet covid