160 të huaj shëtisin Shqipërinë me Vespa, turist nga Gjermania: E kisha parë këtë vend vetëm në rrjete sociale, i lumtur që jam këtu

Me “Vespa” dhe “Lambretta”, 160 të rinj të apasionuar pas motorëve zhvilluan një tur në juglindje të vendit. “Xhiro e tre deteve” është një event që organizohet nga Klubi i Vespave në Bari të Italisë. Për presidentin e këtij klubi,  Maurizio De Pasquale ky edicion është special pasi përpos zonave bregdetare përfshin dhe qytet pranë liqenit të Ohrit.

“Është edicioni i dytë në Shqipëri dhe kemi prekur të gjitha lokalitetet e vendosura në det nga Durrësi deri në Sarandë. Por këtë vit kemi menduar një edicion special për të njohur nga afër të gjitha bukuritë e Shqipërisë. Jemi gjithsej 160 persona, nga Italia, Franca, Anglia etj. Itenerari për sot do të jetë një tur nga liqeni i Ohrit në Maqedoninë e Veriut për të vazhduar më pas me Korçën dhe Voskopojën”, tha ai.

Një nga pjesëmarrësit që vjen nga Gjermania rrëfen emocionet e turit në juglindje.

“Është hera e parë që jam këtu në Shqipëri. E kisha parë Shqipërinë vetëm në video në rrjetet sociale dhe tani jam shumë i gëzuar që ndodhem këtu. Gjithmonë kërkoja të marr pjesë në një udhëtim të mrekullueshëm, por tani me kompaninë tonë gjetëm kontaktin e duhur dhe jemi shumë të lumtur që jemi këtu”.

Ky aktivitet sportiv shërben dhe si promotor i turizmit shqiptar.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti