Rreth 200 emigrantë, duke përfshirë gra dhe fëmijë, të cilët u vendosën të enjten në kufi mes Hungarisë dhe Serbisë dhe që kërkuan të hyjnë në vendet e Bashkimit Europian, u morën dhe u vendosën në qendra të ndryshme pritëse në Serbi.
Fillimisht, mes të ftohtit dhe erës, ata qëndruan para gardhit të vendkalimit kufitar në Kelebija, duke bllokuar trafikun.
Televizioni shtetëror serb njoftoi se grupi i emigrantëve u transferua në qendrat e pritjes në Subotica, Sombor, Bosilegrad, Preshevë dhe vetëm paskësaj kufiri u rihap përsëri.
Disa mijëra emigrantë që ikin nga lufta dhe varfëria në vendet e tyre, kanë ‘ngecur’ në Ballkan, duke pritur të arrijnë në kombet më të prosperuara europiane.
Mbrëmjen e djeshme, nga frika e aksidenteve të mundshme dhe për të mbajtur nën kontroll situatën, ministri serb i mbrojtjes Aleksandër Vulin shkoi në Kelebija, ndërsa prania e policisë dhe rojeve kufitare ishte forcuar në territorin hungarez. Megjithatë, asnjë incident nuk u regjistrua në kufi. Hungaria ka ngritur dy barriera me tela me gjemba në kufi.
Shumica e emigrantëve në Serbi - që vlerësohen rreth 6,000 për momentin - kalojnë disa muaj në kampe shtetërore të pritjes dhe vazhdimisht përpiqen të kalojnë kufijtë. Ata shpesh mbështeten te trafikantët e qenieve njerëzore për të kaluar kufirin për të shkuar në Hungari ose në një shtet tjetër anëtar të BE, siç është Kroacia.
Shumica e emigrantëve vijnë nga vende të tilla si Siria, Iraku apo Afganistani, por këto shifra janë larg nga ato të krizës së viteve 2015-2016 kur rreth një milion njerëz mbërritën në Europë.
Ministri serb i mbrojtjes Aleksandër Vulin e quajti të turpshme fushatën e dezinformimit të disa grupeve për hapjen e kufirit hungarez, me lajme të rreme dhe video që kanë inkurajuar emigrantët të udhëtojnë në kufi.
Lajme të tjera
-
RMV/ Ministri i Drejtësisë thotë se do zbatohen urdhër-arrestet e lëshuara nga Interpol për ish-pjesëtarët e UÇK-së
27 Nëntor, 19:14 -
Grupi i deputetëve italianë: Krah jush drejt BE-së! Përfshihuni në debatet brenda unionit
27 Nëntor, 17:40
-
Shefi i ri i Këshillit Evropian pritet të takojë 6 liderët e Ballkanit Perëndimor më 3 dhjetor
27 Nëntor, 17:03 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Konfirmohet përbërja e re e Komisionit Europian, mandati nis më 1 dhjetor
27 Nëntor, 16:23 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Ekonomia gjermane në prag të recesionit
27 Nëntor, 08:54 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Pasivizimi i adresave në Luginë drejt Gjykatës së Strasburgut
26 Nëntor, 17:19 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
-
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18
