2012, viti i dështuar i Barçës!
Disfata jo vetëm në futboll

2012, viti i dështuar i Barçës! <br />Disfata jo vetëm në futboll
Sezon i keq. Më 2012, Barcelona nuk ka shënuar sukses të konsiderueshëm në asnjë prej sporteve kryesore. Në futboll nuk arritën të mbrojnë trofetë e rëndësishëm – La Ligën dhe Ligën e Kampionëve – në basketboll ekipi u eliminua në gjysmëfinale të Euroligës, kurse edhe në hendboll dështuan në rrugëtim drejt titullit kontinental.

Kur përmendet emri i Barcelonës, nuk jemi mësuar që të flitet për sezone dëshpëruese. Por, ky i fundit ishte vërtet i tillë për skuadrat e këtij qyteti në sporte të ndryshme, përfshirë futbollin, basketbollin dhe hendbollin. Në muajin e fundit, Barcelona përveçse humbi garën për titull në La Liga, që i takoi Real Madridit, mbeti edhe pa trajnerin Pep Guardiola, i cili paralajmëroi largimin e tij nga detyra në fund të këtij edicioni. Një hap mbrapa për dallim nga sezoni i kaluar, e aq më tepër që nuk duhet harruar se në verën e shkuar shpenzoi 60 milionë euro për transferimin e dyshes Cesc Fabregas dhe Alexis Sanchez.

Barcelona fitoi Superkupën e Evropës, Superkupën e Spanjës dhe Kampionatin botëror të klubeve, por skuadrës i mungojnë dy ‘trofetë kryesorë’- ai në La Liga dhe Ligën e Kampionëve. Gjatë verës do të formohet një skuadër e re e Barcelonës në basketboll. Dy vite më parë gjiganti katalan triumfoi në Evropë, kurse këtë edicion u eliminua në gjysmëfinale nga Olympiacosi. Një vit më parë nuk arriti as në Final Four. Legjenda Juan Carlos Navarro pritet të qëndrojë në skuadër, por të gjithë të tjerët spekulohet se janë në shitje.

Koha për ndryshime edhe në hendboll. Së bashku me Kielin konsideroheshin favoritë për triumf në Ligën e Kampionëve në hendboll. Por, Barcelona u eliminua në çerekfinale nga Coppenhagen, kurse në fazën e grupeve i mposhti edhe CO Zagrebi. (rb/shqiptarja.com)

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

SPAK lëshon 9 urdhër-arreste për ish-zyrtarë të Bashkisë së Tiranës, mes tyre ish drejtori i UKT dhe IMT (AKUZAT + EMRAT)

SPAK lëshon 9 urdhër-arreste për ish-zyrtarë të Bashkisë së Tiranës, mes tyre ish drejtori i UKT dhe IMT (AKUZAT + EMRAT)