POP 5

Lajmet më të lexuara të 5 minutave të fundit

Kronikë

2016-a,Tahiri:Luftuam 'peshqit e
mëdhenj', sekuestro 47.6 mln €

Ministri i Brendshëm Saimir Tahiri ka vlerësuar pozitivisht vitin 2016 duke bërë një rezyme të punës së Policisë dhe situatës së sigurisë në vend. “Kemi arritje, aq sa në një çerek shekulli nuk u arrit të bëhej për Policinë. Por kemi ende shumë për të bërë sepse në 25 vite, Policisë iu shkatërrua imazhi. Dhe kjo është fitorja më e madhe e jona sot, fitorja ndaj mentalitetit”.  VIDEO
TIRANË-"Në vitin 2016, Shqipëria ishte një vend më i sigurt dhe Policia e Shtetit ka luftuar të konsideruarit ‘peshq të mëdhenj’ duke ju sekuestruar atyre plot 47.6 milion euro pasuri".

Ishte ky bilanci i shifrave të Ministrit të Brendshëm bërë publik nga ministri Saimir Tahiri.
“Kjo është shifra se kemi ndjekur peshqit e mëdhenj. Gjatë 3 viteve janë konfiskuar 100 milionë asete e pasuri kriminale ku nga këto vetëm në vitin 2016, janë konfiskuar 47.6 milionë euro  pasuri e vënë përmes krimit”.

Tahiri po ashtu renditi faktin se krimi i vrasjeve në vend është më i ulëti në 25 vite.
"71 vrasje gjatë vitit 2016, numri më i ulët në 25 vjet. 75% e vrasjeve, për motive familjare, pronësie apo konflikte të çastit"

Kështu Ministri i Brendshëm Saimir Tahiri e ka vlerësuar pozitivisht vitin 2016 duke bërë një bilanc të punës së Policisë dhe situatës së sigurisë në vend.

“Shqipëria në vitin 2016 ishte më e sigurtë, me më pak ngjarje kriminale, policia ishte në shërbim të qytetarit, besimi tek policia u rrit”, u shpreh Tahiri.

Por sic thotë ministri, fitorja më e madhe kanë qenë jo shifrat sesa lufta me mentalitetin e vjetër.
“Fitorja më e madhe e jona nuk është krahasimi i shifrave, por me mentalitetin. Fitorja jonë më e madhe është tek mentaliteti, së pari tek punonjësit e policisë dhe më pas tek qytetari. Sot përballë policisë nuk ka më të pandëshkueshëm e të pabarabartë kundrejt çdokujt që shkel ligjin."

2016 ka qenë dhe një vit bashkëpunimi me partnerët ndërkombëtar të Policisë së Shtetit ku mbi 60 operacione ndaj krimit e trafikut të narkotikëve kanë qenë të përbashkëta me Interpol, Europol dhe DEA-n amerikane.

Ministri Tahiri u ndal dhe tek armëmbajtia pa leje duke i kujtuar qytetarëve se janë ende në kohë për të dorëzuar pa u penalizuar armët si dhe kërkoi nga publiku të denoncojë çdo person që mban armë si një model që nuk duhet të pranohet në shoqëri.



Bilanci për vitin 2016
-Me Interpol e Europol janë 15 mijë informacione të shkëmbyera

-Janë gjithsej 33 805 vepra penale

-Janë proceduar penalisht 31 220 autorë

-Të arrestuar në 2016, 10 068 shtetas

-Janë kapur 2 211 persona të shpallur në kërkim

-Janë gjithsej 277 operacione policore

-60 operacione në bashkëpunim me partnerët

-Janë mbi 270 000 telefonata nga publiku në numrin 112 (në Tiranë) dhe në 129

-Janë afërsisht 40 000 denoncime në Komisariatin Dixhital

-Policia e Shtetit gjatë vitit 2016 ka trajtuar 87 090 konflikte

-Në kufijtë shtetëror në vitin 2016 janë regjistruar

-Janë sekuestruar 47.6 milionë euro pasuri kriminale

-Vjedhjet me armë janë 60% më pak se në vitin 2015

-Mbi 3000 raste të dhunës në familje gjatë 2016

-Armëmbajtja pa leje, 1194 të arrestuar në vitin 2016

- 71 vrasje gjatë vitit 2016, numri më i ulët në 25 vjet

-75% e vrasjeve, për motive familjare, pronësie apo konflikte të çastit

I pyetur, 'nëse i ka fituar betejat me krimin;, Tahiri thotë se, ka ende shumë për t'u bërë.
"Unë nuk quaj asnjë betejë të fituar, sepse unë mendoj që përballë paligjshmërisë e kriminalitetit të akumuluar në 25 e kusur vite, unë mendoj se nuk e kemi mundësinë të fitojmë këto beteja brenda 1 viti, apo 4 viteve. Por kemi fituar një luftë, atë kundër mentalitetit të së kaluarës. Policia sot nuk është e vjetruar, por e rinovuar me fytyrë të re, me besimin e qytetarit që kthehet tek Policia. Besim që kishte humbur për çerek shekulli. Na jepni kohë.
Ka gjëra që nuk i kemi bërë mirë, sigurisht, por jemi 24 në 24 orë në shërbim të qytetarit".

*Konferenca e plotë për mediat e ministrit të Punëve të Brendshme Saimir Tahiri mbi rezultatet e vitit 2016 të MPB dhe Policisë së Shtetit, si dhe projektet e sfidat për 2017

VIDEO-Konferenca për shtyp e Ministrit të Brendshem Saimir Tahiri ( pjesa e 1 )


VIDEO-Konferenca për shtyp e Ministrit të Brendshem Saimir Tahiri ( pjesa e 2 )
/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35