Një 20-vjeçare nga Madagaskari ka braktisur djalin e saj të porsalindur në koshin e mbeturinave të tualetit të një avioni. Foshnja u gjet nga stafi i aeroportit në Mauritius, ndërsa 20-vjeçarja u arrestua nga policia, raporton BBC.
Avioni i Air Mauritius, i cili mbërriti nga Madagaskari, u ul në Aeroportin Ndërkombëtar Sir Seewoosagur Ramgoolam më 1 janar. Oficerët e aeroportit e bënë zbulimin e foshnjës, kur kontrolluan avionin për një kontroll rutinë doganor.
Ata vunë re se kishte një letër higjienike të lyer me gjak dhe e çuan foshnjën në një spital publik për trajtim. Policia e aeroportit mori në pyetje edhe pasagjerët.
Gruaja e dyshuar si nëna e fëmijës, e cila fillimisht mohoi se djali ishte i saj, iu nënshtrua një ekzaminimi mjekësor që konfirmoi se ajo sapo kishte lindur. Ajo u vendos nën vëzhgimin e policisë në spital. Si ajo ashtu edhe foshnja thuhet se janë mirë.
Gruaja malagaziane, e cila mbërriti në Mauritius me një leje pune dyvjeçare, do të merret në pyetje pas lirimit nga spitali dhe do të akuzohet për braktisjen e një të porsalinduri.
Lajme të tjera
-
I porsalinduri që u braktis nga nëna ndërroi jetë, Asllani: Në maternitetin ‘Mbretëresha Geraldinë’ kemi 3 raste të braktisjes! Sociologu: Duhet ndryshuar korniza morale e shoqërisë
9 Nëntor 2023, 14:55 -
Ndërron jetë foshnja e braktisur në bodrumin e pallatit, ndalohet nëna 30 vjeçare! Dëshmia në polici: E fsheha shtatzaninë se jam e pamartuar
9 Nëntor 2023, 08:25
-
Tiranë/ Nëna braktis foshnjën e porsalindur në bodrumin e një pallati në Yzberisht! Banorët dëgjuan të qarat! 30-vjeçarja ndalohet nga policia dhe dërgohet në spital
8 Nëntor 2023, 12:48 -
VIDEO/ Rrëzohet helikopteri, ministri noton për 12 orë për të dalë në breg
22 Dhjetor 2021, 12:39
