Bashkitë këtë vit pritet të jenë më të pastra. Për të zgjidhur problemin mjedisor madhor që doli në pah në vitin që lamë, qeveria do të japë 500 milionë lekë për 21 bashki për trajtimin e mbetjeve.
Duke qenë se shumë bashki nuk kishin kapacitete financiare për t’i transportuar plehrat në zonat e trajtimit të mbetjeve në shumë qytete të Shqipërisë, ato u dogjën në zona të jashtëligjshme dhe të banuara. (Rasti i Fierit apo Durrësit).
Durrësi ishte vitin e kaluar, një nga qytetet më problematike sa i përket mbetjeve, çka sipas ekspertëve dëmtoi edhe sezonin turistik. Për vitin 2022 kjo bashki merr rreth 44% të fondit të vënë në dispozicion, ose 221.6 milionë lekë.
Bashkia tjetër ajo e Kavajës që klasifikohet në vështirësi të mëdha financiare për shkak të borxheve të pashlyera do të marrë 53.4 milionë lekë për trajtimin e mbetjeve.
38 milionë lekë do të shkojnë për bashkinë e Krujës, ndjekur nga Kamza me 35 milionë lekë, më pas Vlora me 22.6 milionë lekë dhe Shijaku me 20 milionë lekë. Ndërsa 15 bashkitë e tjera si Belsh, Cërrik, Elbasan, Fushë-Arrëz, Gramsh, Kurbin, Lezhë, Librazhd, Malësi e Madhe, Peqin, Përrenjas, Pukë, Rrogozhinë, Shkodër dhe Vau i Dejës marrin në total 109.4 milionë lekë.
“Detajimi i fondeve është bërë për bashkitë: Malësi e Madhe, Shkodër, Vau i Dejës, Pukë, Fushë Arrëz, Lezhë dhe Kurbin për financimin e transportit të mbetjeve urbane në zonën e menaxhimit të mbetjeve Shkodër. Krujë, Durrës, Vorë, Kamëz, Shijak, dhe Kavajë për financimin e transportit të mbetjeve urbane në zonën e menaxhimit të mbetjeve Tiranë. Librazhdë, Elbasan, Rrogozhinë, Peqinë, Cërrik, Belsh, Prrenjas dhe Gramsh, për financimin e transportit të mbetjeve urbane në zonën e menaxhimit të mbetjeve Elbasan”, thuhet në aneksin 7 të buxhetit të shtetit të vitit 2022.
Ndërsa pjesa tjetër e bashkive nuk marrin fonde për vitin 2022. Shpërndarja e fondeve për trajtimin dhe menaxhimin e mbetjeve është bërë në bazë të treguesve të performancës së bashkive, dhe kjo mbështetje do të jetë pjesë edhe e programit buxhetor afatmesëm 2023-2025.
BASHKITË QË MARRIN MË SHUMË FONDE
Durrës 221.6 mln lekë
Kavajë 53 mln lekë
Krujë 38 mln lekë
Kamëz 35 mln lekë
Vlorë 22.6 mln lekë
Shijak 20 mln lekë
SI NDAHEN FONDET MES BASHKIVE?
Belsh 2.8 mln lekë
Cërrik 6.1 mln lekë
Elbasan 16.8 mln lekë
Fushë-Arrëz 900 mijë lekë
Gramsh 3.8 mln lekë
Kurbin 10 mln lekë
Lezhë 7.6 mln lekë
Librazhd 3.4 mln lekë
Malësi e Madhe 5.4 mln lekë
Peqin 11.3 mln lekë
Përrenjas 6.4 mln lekë
Pukë 2.5 mln lekë
Rrogozhinë 15.3 mln lekë
Shkodër 15 mln lekë
Vau i Dejës 2.1 mln lekë
Lajme të tjera
-
Anija ‘Moliva’ me 2100 tonë mbetje, jepet leja për hyrje në Portin e Durrësit! Ja kur zbarkon dhe si do procedohet
7 Nëntor, 14:27 -
Durrës/ Anija me mbetje ende në radë, Prokuroria sqaron vonesat: Derisa të sigurohen kushtet e duhura! Kërkesë disa institucioneve që të vënë në dispozicion laboratorë për analizat
1 Nëntor, 16:50 -
Në 2025-ën do jepen 2 mln euro grant për pushtetin vendor! Bashkitë me përformancën më të mirë do të marrin më shumë para
30 Tetor, 16:45
-
Anijet me mbetje të dyshuara të rrezikshme mbërrijnë në Portin e Durrësit me 27 tetor! BAN thirrje qeverisë shqiptare: Beni analizat dhe transparencë
21 Tetor, 13:31 -
‘Zyrat e BE në Bashki jo për qoka!’ Mazniku: Fondet do merren vetëm më projekte serioze
25 Shtator, 17:04
-
“Hallet e vjetra” bashkojnë të majtë e të djathtë, kryebashkiakët: Plehrat e ujëra të zeza ‘sfidë’ për turizmin
25 Shtator, 15:57
-
Ambjentalistët ‘jo’ importit të mbetjeve: Ka pasoja katastrofike për mjedisin! Paralajmërojnë protesta si në 2016-ën
17 Shtator, 16:55
-
Bashkitë po mbledhin më shumë para! Të ardhurat pritet të rriten me 8 miliardë lekë
5 Shtator, 13:59
-
Shqipëria do lejojë importin e mbetjeve, Ministria për REPORT TV: Referencë, ‘Lista e Gjelbër’ e BE
21 Gusht, 15:59
-
Report Tv e paralajmëroi tre muaj më parë, qeveria i hap rrugën importit të mbetjeve jo të rrezikshme! Lista propozohet nga Ministria e Mjedisit
20 Gusht, 22:28 -
Detyrimet e papaguara/ 4 bashki thellojnë borxhin! Kavaja rekord, arrin në 818 mln lekë
29 Korrik, 17:16
-
Fusha e mbetjeve në Vlorë vijon prej 3 ditësh në flakë! Qyteti ende nën tymin toksik (VIDEO)
27 Korrik, 08:25
