22 mijë tifozë nesër në 'Air Albania' për ndeshjen me Poloninë, Braçe kritika Dukës: Papërgjegjshmëri, si mund të lejohet kur mbulesa vaksinale në vend është vetëm 40%?!

22 mijë tifozë nesër në 'Air Albania' për ndeshjen me Poloninë, Braçe kritika Dukës: Papërgjegjshmëri, si mund të lejohet kur mbulesa vaksinale në vend është vetëm 40%?!

Erion Braçe

Shqipëria dhe Polonia luajnë nesër në 20:45 në “Air Albania”, një ndeshje e shumëpritur nga tifozët, ndërsa FSHF ka bërë me dije se me një leje speciale, për këtë duel janë shitur të gjitha biletat dhe në tribunë do të ketë 22 mijë mbështetës kuqezi. Pas këtij lajmi ka reaguar deputeti socialist Erion Braçe, i cili ka kritikuar jo pak kreun e FSHF-së, Armand Dukën, ndërsa thekson se stadiumi mbushet plot, në një kohë kur mbulesa vaksinale në vend është vetëm 40%.

Ai akuzon Dukën për papërgjegjshmëri, ndërsa shton se si mund të lejohet një pjesëmarrje e tillë tifozësh në stadiume, kur shtyrja e nisjes së mësimit në Universiteti po shtyhet pikërisht për të rritur mbrojtjen vaksinale e për të shmangur vatra infeksioni.

Braçe kujton edhe sfidën Atalanta – Valencia në Champions, ku shumë tifozë u infektuan me COVD më shumë se një vit më parë, duke e kthyer Bergamon në një vatër infeksioni.

"Stadiumi plot? Me 40% mbulesë vaksinale? Me këtë numër infektimesh ditore veçanërisht në Tiranë? Me këtë numër vdekjesh? Për më tepër kur ne po shtyjmë çeljen e universiteteve javë për javë pikërisht për të arritur mbrojtjen vaksinale e shmangur vatra infeksioni?! Shikoni, e kuptoj që dëshira është shumë e madhe, nevoja, pasioni gjithashtu; Por kujtoni dramën e Bergamos pas asaj ndeshjeje në San Siro! Nuk dëmton përkundrazi e kthen një ambient të sigurt një normë prej 40-50% të vendeve në stadium, në distancë e me maska! E di, i kam dëgjuar boll ato fjalitë “klubet plote”, “shkollat hapur”, “autobusët po plot”, “koncertet e kastës”, “premierat e Xhejmsit” etj etj: por shihini tabelat me të dhënat e Italisë, Spanjës, Gjermanisë; një vaksinë duhej, duhet për të qenë të lirë! dhe shihini stadiumet e tyre si funksionojnë! Pa vaksinë dhe të papërgjegjshëm, veç ky në foto mund të katandise! Vaksina është liri!", shkruan Braçe.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 12/10/2021 01:17

    Ne U.S.A kane filluar aktivitetet,por kerkohet qe te jesh i vaksinuar.S'ke bere vaksinen,s'ke bilete.Ne ambiente te tjera si dyqanet,vaksinen nuk t'a kerkojne,por maska duhet patjeter.Shqiperia duhet te beje te njejten gje.

    Përgjigju
  • Turi: 11/10/2021 13:52

    Po si nuk e kuptoni llogjiken? A shkoni ne kafe, bare, markete, urbane, pune e kudo, pa maske, pa ndonje kufizim te vaksinimit ose jo? Llogjika eshte e thjeshte, propogande. Kur behet fjale per pordhe ne TV oh sa te mire jemi, te gjithe mbathin maskat, madje nga dy, me logo me gjera, thua ti ca behet ketu. Sa fillon realiteti, njesoj, si para dhe pas pandemise. Nje deputet si Brace mire ben qe flet per kete pune, por ti kerkoje llogari komisionit teknik te qyqeve per kete pune.

    Përgjigju
  • Hhh: 11/10/2021 12:20

    Nuk e kuptoj llogjiken e qeverise...universitet me auditore 100 veta mbyllur stadiumi me 22 mije vete hapur ..ok mos i detyroni studentet te bejne vaksinen nderkohe qe ne stadium do shkojne te gjithe te pavaksinuar...apo do e beje pushim neser virusi kur te luaj kombetarja.. ku eshte komiteti i eksperteve apo kan shkuar ti thone virusit te zhduket neser ne darke...mjere ne qe qeverisemi nga budallenjte...po ska faj fjala e urte qe thot populli meriton qeverine qe ka...popull budalla

    Përgjigju
  • lolita: 11/10/2021 11:17

    Ministria e Shendetesise duhet te nxjerre udhezime per raste te tilla...te gjithe pjesemarresit ne stadium duhet te jene te vaksinuar...

    Përgjigju
    • fcds: 11/10/2021 14:22

      po kur shkon KM ne opera turma sta vret syte ty?? Po mitingjet e berishes?? ikni mor hipokrita

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shembja e urës në Baltimora, gjenden dy trupa të pajetë

Shembja e urës në Baltimora, gjenden dy trupa të pajetë