264 raste dhe 6 viktima janë shënuar në Kosovë nga COVID-19

Në 24 orët e fundit në Kosovë janë regjistruar me COVID-19 264 raste pozitive dhe 6 viktima.

Gjatë ditës së sotme është vënë re një shtim i vogël i numrit të rasteve me koronavirus në raport me dje që ishin 233, ndërkohë numri i viktimave ka pësuar një ulje prej dy viktimash pasi dje ishin 8.

Ndërkohë numri i të shëruarve është 205 dhe nuk është më i lartë se numri i infektive siç edhe ka ndodhur kohë e fundit.

Numri total i rasteve pozitive me koronavirus ka shkuar 49.169 ndërkohë që numri i viktimave 1.262, që nga fillimi i pandemisë në të gjithë vendin, duke përfshirë edhe përditësimet e ditës së sotme. 

Qytetet të cilat kanë shënuar numrin më të lartë të infektimeve në Kosovë për 24 orët e fundit janë Prishina e cila prej kohësh konsiderohet vatra kryesore e koronavirusit në vend, Ferizaj, Mitrovica, Fushë-Kosova dhe Podujeva.

Qeveria kosovare nuk ka ndërmarrë masa të reja në përballjen e saj me koronavirusin por ka vendosur të mbaj në fuqi ato të cilat janë vendosur që prej 11 nëntorit. Kryeministri Avdullah Hoti doli ditën e sotme, në mbledhjen e qeverisë ka thënë se Kosova është një ndër 3-4 vendet në botë të cilat po përballen më mirë me situatën pandemike. Ai ka shtuar se masat e 11 nëntorit janë rezultative mjafton që qytetarët të kujdesen gjatë festave të fundvitit, të evitojnë grumbullimet dhe të zbatojnë masat.

J.GJ./Shqiptarja.com

TAG:
• kosova
• kosova
• kosova
• kosova
• Avdullah Hoti
• Koronavirus