27 vjet nga masakra e Srebrenicës, Abazoviç kërkon falje: E shpreha mendimin në mënyrë të paqartë! Gjenocidi të mos përsëritet

Kryeministri i Malit të Zi, Dritan Abazovic ka kërkuar falje për deklaratën që lidhej me përkujtimin e 27 vjetorit të gjenocidit në Srebrenicë.

 “U kërkoj falje nënave të Srebrenicës për mendimin e shprehur në mënyrë të paqartë. Dihet se çdo vepër varet nga qëllimi i saj. Qëllimi im është paqja. Gjenocidi i kryer kundër boshnjakëve në Srebrenicë të mos përsëritet ndaj askujt”, shkroi ai në Telegram.

LEXO EDHE:
Debat në OKB: Gjenocidi në Srebrenicë të dënohet globalisht

Kjo erdhi pasi pati reagime të ashpra nga shoqata të ndryshme dhe përfaqësues të partive politike në Malin e Zi për Abazovic, i cili përkujtoi 27 vjetorin e masakrës së Srebrenicës duke shkruajtur:  

 “Gjenocidi nuk u krye kundër boshnjakëve, por kundër njerëzve, dhe nuk u krye nga ushtritë, por nga politikanët, politika e së keqes, politika e vdekjes dhe politika e mashtrimit”, tha Abazoviq, në përkujtim të 27-vjetorit të gjenocidit kundër boshnjakëve në Srebrenicë.

Më herët, shoqata “Nënat e Srebrenicës” tha se Abazoviq duhet t’iu kërkojë falje të gjithë viktimave të gjenocidit në Srebrenicë.

“Fëmijët tanë u vranë vetëm sepse ishin boshnjakë, ata u vranë nga një ushtri e organizuar. Në Potoçari nuk ka vend për relativizim të krimit”, shkroi shoqata në Twitter.

Ndërsa deputetja e Partisë Socialdemokrate, Draginja Vuksanoviq-Stankoviq shkroi: “Kryeministri i Malit të Zi po e relativizon gjenocidin në Srebrenicë? Turp për ty Dritan”.

Lajmi kryesor:

27 vjet nga gjenocidi i Srebrenicës, Shqipëria përkujton 8 mijë viktimat e masakrës! Kurti: Serbia e mohon me paturpësi! PS: Gjenocidi duhet të shërbente si këmbanë alarmi

A.M./Shqiptarja.com

TAG:
• Dritan Abazovic
• Dritan Abazovic