29 janar, 21:00, takohemi të gjithë në TRING! 9 super ndeshje Champions, 9 kanale sportive, 1 mbrëmje e vetme!

Mbrëmja e së mërkurës, më datë 29 JANAR, do të sjellë eksperiencën më të jashtëzakonshme sportive. Liga e Kampionëve, kompeticioni më prestigjioz botëror i futbollit të klubeve, shkruan historinë. Si kurrë më parë, të gjitha ndeshjet e raundit që ul siparin e fazës spektakolare të ligës do të luhen në të njëjtën ditë dhe të njëjtin orar, për kënaqësinë e qindra milionë tifozëve që do t’i ndjekin nga e gjithë bota.

TRING, për herë të parë në Shqipëri, do ta përcjellë këtë maratonë ekskluzive për të gjithë shqiptarët, duke transmetuar, TË MËRKURËN, në orën 21:00, 9 super ndeshje, në 9 kanale Tring Sport, në 1 natë të vetme. Jo rastësisht, Tring është platforma më e madhe sportive në vend.

Pas plot 7 raundesh fantastikë, që na dhuruan emocione të pafundme, mbërritëm në ditën e së vërtetës. Tashmë tabloja është qartësuar, por fjala e fundit nuk është thënë ende. Nga tempujt e futbollit evropian, do të luhet deri në frymën e fundit. E gjithë bota e futbollit do të jetë me frymën pezull dhe sytë nga shfaqja më e bukur në botë.

Nëse skuadra si Liverpool, Barcelona, Arsenal apo Inter e kanë siguruar tanimë matematikisht kualifikimin, e të tjera si Young Boys, Salsburg, Girona janë jashtë Evropës, të tjera super ekipe kontinentale si Real Madrid, Juventus, Bayern i Mynihut, Manchester City e disa të tjera, luajnë shansin e fundit për të përcaktuar fatin e tyre, në një format mbresëlënës që i rreshtoi të gjithë si të barabartë dhe i sfidoi deri në skaj, duke na përcjellë për muaj me radhë një magji sportive të pakrahasueshme.

Të gjitha këto ndeshje vendimtare, do të keni mundësinë t’i ndiqni në TRING SPORT, për një maratonë të paprecedentë, në mënyrë që të gjithë tifozët të kenë mundësi të ndjekin ekipin e zemrës, apo ndeshjen më elektrizuese, për një natë sportive që do të mbahet mend shumë gjatë.

CHAMPIONS LEAGUE DHE TRING DHUROJNË SPEKTAKËL!

Ndaj, të mërkurën, më 29 janar, në orën 21:00, takohemi të gjithë në Tring Sport, në shtëpinë e kampionëve!

Xh.K/S.G/Shqiptarja.com

TAG:
• tring