POP 5

Lajmet më të lexuara të 5 minutave të fundit

Kronikë

2-vjeçari kyç derën e ballkonit dhe lë nënën jashtë / Era e keqe nga apartamenti alarmon banorët (Pamjet nga ndërhyrja e zjarrfikësve)

Në këtë episod të Emisionit 112 jemi me patrullat e Komisariateve Nr. 1 dhe Nr. 3 në kryeqytet. Ne ju sjellim video ekskluzive nga puna e përditshme e Policisë së Shtetit gjatë këtyre ditëve të vështira që vendi po kalon, ndërsa efektivët e policisë vijojnë detyrën në ndihmë të qytetarëve pavarësisht rrezikut nga COVID-19. Në episodin e sotëm ata së bashku me zjarrfikësit reagojnë në dy situata pas telefonatave nga qytetarët.

TIRANË - Në këtë episod të Emsionit 112, efektivët e policisë dhe zjarrfikësit reagojnë pas një thirrje për ndihmë nga një zonjë që ka mbetur jashtë në ballkonin e katit  të 6-të. Fëmija i saj 2-vjeçar kishte mbyllur derën e ballkonit ndërsa nuk e hapte dot më. Qytetarët që panë zonjën duke bërtitur nga ballkoni në pamundësi për të thyer xhamin e derës kërkuan ndihmën e policisë dhe zjarrfikësve.  Në emisionin 112 të realizuar nga gazetari i Report TV Antonio Çakshiri ju sjellim ngjarjen e plotë nga telefonata dhe përmes pamjeve ekskluzive nga kamera e trupit të efektivit të policisë ndërhyrjen e zjarrfikësve për të shpëtuar zonjën e cila kishte lënë edhe sodën ndezur me djalin 2-vjeçar në apartament. 

Në orët e mbrëmjes një telefonatë shqetësuese vë sërish në veprim policinë dhe zjarrfikësit në zonën e Brylit. Informacioni i dhënë është për aromë të keqe nga një apartament ndërsa dyshohet se dikush mund të ketë ndërruar jetë aty. Ju sjellim pamjet ekskluzive nga kjo ngjarje në videon e mësipërme, ku të ndiqni ndërhyrjen e plotë të zjarrfikësve edhe në këtë rast ndërsa ata përgatiten për më të keqen. Shikoni emisionin e plotë për të parë se çfarë ndodh.

Përgjatë emisionit transmetojmë edhe momente nga puna e policisë gjatë orëve të ndalimit të lëvizjes ndërsa Shqiponjat dhe Shigjetat shoqërojnë 3 djem në Komisariatin nr. 1 pasi bënin xhiro me biçikleta dhe nuk kishin as kartë Identiteti me vete.  
 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Pesë pyetje për 2025-ën

Pesë pyetje për 2025-ën

26 Dhjetor, 08:23