TIRANË- Duke nisur nga dita e nesërme, 15 gusht, do të lehtësohet procesi i marrjes së kartonit të leje drejtimit të makinave. Tashmë pas mbarimit të procedurave të provimit të teorisë dhe praktikës, në momentin e aplikimit për kartonin e patentës, qytetarët do të marrin lejen e drejtimit në dorë për 30 minuta.
Njoftimi është bërë për Report Tv nga zv/drejtori i Drejtorisë së Përgjithshme të Shërbimeve të Transportit Rrugor, Endri Haxhiu.
"Një risi dhe një lajm i mirë që qytetarët është edhe tërheqja e kartonit në vetëm 30 minuta. Duke pasur parasysh se deri në nëntor të vitit 2018 duhej 15 ditë minimumi, kjo është një risi fantastike dhe i lehtëson jetën qytetarëve. Ky projekt do të aplikohet për herë të parë në Tiranë dhe do të shtrihet në gjitha drejtoritë e tjera rajonale në të gjithë Shqipërinë. Në Tiranë, për faktin se 45% e drejtuesve të mjeteve ndodhen në Tiranë. Çka është më e rëndësishmja, kjo procedurë do të jetë pa tarifë ekstra", u shpreh për Report Tv Haxhiu.
Ndërkohë për bashkombasit tanë që jetojnë në Itali, prej datës 8 shtator do të njihet leja e drejtimit të lëshuar prej vitit 2017, kjo falë marrëveshjes mes dy qeverive asaj shqiptare dhe italiane. Kjo marrëveshje pritet te realizohet dhe me vende të tjera si Greqia e Serbia.
"Lajmi i mirë për bashkëkombësit tanë është se nga 8 shtatori do të konvertohet modeli i ri i patentës. Kjo marrëveshje pritet te realizohet dhe me vende të tjera si Greqia e Serbia si dhe jemi në procedura dhe me Gjermaninë", tha Haxhiu.
Një projekt tjetër që pritet të realizohet, është monitorimi në livestream i testit të praktisës për marrjen e patentës.
"Të gjitha mjetet e autoshkollave në momentin që do të kryejnë testin praktik do të kenë të instaluara kamera dhe do të monitorohen në livestream nga zyrat qendrore të Drejtorisë së Përgjithshme të Transportit rrugor", tha zv/drejtori i Drejtorisë së Përgjithshme të Shërbimeve të Transportit Rrugor, Endri Haxhiu.
Gjatë muajve të fundit Drejtoria e Transportit dhe Shërbimit Rrugor ka lehtësuar procedurat për këtë sektor duke ulur dhe radhët e gjata që ktheheshin në shqetësim për qytetarët.
Lajme të tjera
-
Autoshkollat protestojnë kundër tarifave të reja për patentat: Na çon në faliment! Reagon Drejtoria e Transportit Rrugor: Çmimin e indeksuam
5 Shkurt, 19:42
-
Rriten çmimet dhe afatet e vlefshmërisë për patentat, ja tarifat e reja
30 Janar, 18:17 -
Mbi 400 shoferë në ritestim pas humbjes së pikëve, 90% ngelin 'në klasë'
25 Maj 2023, 14:30 -
Kodi i ri Rrugor/ Nis zbatimi i rregullave të reja për përgjysmimin e gjobës së makinave dhe zgjatja e vlefshmërisë së patentave
26 Prill 2023, 09:07 -
Kostoja e patentës, Gonxhe për Report Tv: Është çështje tatimore, s’do rritet çmimi për qytetarët
1 Mars 2023, 14:17 -
Asnjë sqarim përse çmimi do të shtrenjtohet! Në Durrës, Vlorë dhe Fier, rradhë për vizitat mjekësore të patentës! E pësojnë të moshuarit që duan të vizitohen
28 Shkurt 2023, 12:13 -
Fluks për të kapur 'patentën e lirë', dyndje qytetarësh pranë mjekëve specialistë në Elbasan dhe Durrës! Ngjiten mbi kangjella vetëm për të plotësuar formularin (VIDEO)
27 Shkurt 2023, 11:42 -
Tarifat e reja të patentës, Berisha akuzon Gonxhen: Është hajdut i papërmbajtur
26 Shkurt 2023, 15:19 -
Dyndje vizitash mjekësore për të kapur ‘patentën e lirë’! Okulistja: Kryejmë deri në 70 vizita në ditë për 8 orë punë! Dolën në pah probleme me shikimin
25 Shkurt 2023, 20:37
-
Tarifat e reja të patentës, 'ndërhyn' Konkurrenca: Kemi kërkuar informacion nga DPSHTRR! Do vlerësojmë kufizimet e konkurrencës në treg
22 Shkurt 2023, 11:14 -
Zbardhet 'draft-marrëveshja' për tarifat e reja të patentave: Dakordësimi i nevojshëm për rregullimin e tregut të autoshkollave
21 Shkurt 2023, 16:11 -
Rritet çmimi i patentave, shtohen dhe orët e praktikës! Rritja nga grupi i interesit, nga 45 mijë në 85 mijë lekë
18 Shkurt 2023, 15:26
