3 vite nga tërmeti tragjik, rindërtimi ende në proces! Në Fushë-Krujë, Thumanë e Bubq familjet në shtëpitë e reja, në Krujë mbi 1100 ende me bonus qiraje

Sot shënohen 3 vite nga tërmeti tragjik që goditi vendin mëngjesin e 26 nëntorit të vitit 2019. 51 persona humbën jetën, ndërsa mbetën të plagosur rreth 1 mijë qytetarë të tjerë. Shumë banorë në Durrës, Fushë-Krujë, Laç, Lezhë e Tiranë, mbetën pa strehë, ndërsa qeveria është ende në procesin e rindërtimit. Ishte ore 3.54 e 26 Nëntorit 2019 Kur Shqipëria u godit nga një tërmet shkatërrimtar me magnitudë 6.4 ballë.

“Edhe sot 3 vite më pas pasojat e trishta dhe dramatike tregojnë ndërprerjen  e shumë jetëve në mes, tregojnë jetën brenda atyre mureve, kujtimet e të cilave i morën me vete.”

Gani Kasa nga fshati Prush në Vaqarr ndan me ne episode nga tërmeti i 3 viteve më pare së bashku me 6 familjarët  e tjerë.

“Pati plotë dëme. Shtëpia ime ka  qenë e pabanueshme më pas. Për fat ishim në ballkon kur ndodhi. Nga kjo ngjarje frikësohet dhe i madhi jo vetëm fëmija. Por doli pa dëme të tjera . Jemi strehuar në banesa sociale. Nuk ka më mirë, kemi gjithë kushtet. Mora aq sa më takonte”, ka thënë ai.

Mbi 20 mijë banorë të njësisë 6 u prekën nga tërmeti në Kombinat, një pjesë janë sistemuar në banesat sociale e pjesa tjetër po trajtohen me bonus qiraje derisa të përfundojë rindërtimi i 40 pallateve, 9 qendrave sociale dhe kulturore e 4 shkollave e kopshteve.

Në Durrës 5 pallate kanë përfunduar dhe në pranverë të 2023 pritet të jenë gati edhe 996 apartamente në sitin e ri të ish-kënetës me 84 pallate të reja. Sa i përket rikonstruksionit, mësohet nga 615 godina me dëme vetëm 60 kanë mbetur të dëmtuar.

Më shpejt rindërtimi ka ecur në Fushë-Krujë, Thumanë e Bubq ku janë shpërndarë apartamentet e reja. Në gjithë bashkinë e Krujës, po trajtohen me bonus qiraje 1100 familje, kryesisht fshatra, pasi shtëpitë individuale janë ende në proces rindërtimi. Në Lezhë 198 familje kanë hyrë në shtëpitë e reja, ndërsa 207 familje kanë përfituar grantet dhe po rindërtojnë vetë shtëpitë e dëmtuara në fshatra.

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se duhet të ngrihet komisioni hetimor për çështjen McGonigal?



×

Lajmi i fundit

Pastruesja i vodhi paratë në shtëpi, arrestohet nga policia e Tiranës zyrtarja Alda Klosi! Akuzohet për pastrim parash

Pastruesja i vodhi paratë në shtëpi, arrestohet nga policia e Tiranës zyrtarja Alda Klosi! Akuzohet për pastrim parash