30 mln lekë dëm shtetit nga tenderët/ Merren të pandehur tre zyrtarë të klubit Vllaznia

Prokuroria Pranë Gjykatës së Shkallës së Parë Shkodër mori të pandehur dhe dërgoi për gjykim ish-administratorët e klubit të futbollit “Vllaznia” sh.a dhe financierin e këtij klubi. 

Për ta u ngrit akuza për shpërdorim detyre, shkelje e barazisë së pjesëmarrësve në tendera dhe shpërdorim i fondeve publike duke i shkaktuar shtetit një dëm ekonomik prej afro 30 000 000 lekësh. Konkretisht, shtetasit Fatos Gjyrezi, administrator i shoqërisë nga data 1 shtator 2012 deri në datën 12 gusht 2014, Neritan Kalamishi, administrator i shoqërisë nga data 12 gusht 2014 deri në datën 8 janar 2016 dhe Denis Fani financier i shoqërisë.

Gjithashtu ndaj këtyre shtetasve është filluar procedimi penal për pastrimin e produkteve të veprës penale ose veprimtarisë kriminale. Sezonin që sapo është mbyllur, Vllaznia ra një kategori më poshtë për herë të parë në historinë e futbollit elitar, pas problemeve të  shumta që shoqëronin klubin prej disa sezonesh.  

Punësonin më shumë lojtarë sesa numri i të federuarve nga FSHF
Ata kanë vepruar në kundërshtim me ligjin “Për sportin” duke punësuar më shumë lojtarë se sa numri i lojtarëve të federuar nga Federata Shqiptare e Futbollit për sezonin përkatës futbollistik si dhe duke trajtuar të gjithë lojtarët si dhe antarët e tjerë të klubit si psh: trajnerët apo mjekët me kontratë shërbimi dhe jo me kontrata punë. Kjo ka sjellë si pasojë mos pagimin e sigurimeve shoqërore dhe shëndetësore në dobi të buxhetit të shtetit.  

Nga ana e tyre nuk është zbatuar ligji “Për prokurimin publik” i ndryshuar, si dhe Vendimi i Këshillit të Ministrave nr. 914 datë 29 Dhjetor 2014 “Për miratimin e rregullave të prokurimit publik” i ndryshuar. 

Ndër vite dhe vazhdimisht klubi rezulton të ketë blerë sasi të konsiderueshme karburanti, të ketë kontraktuar shoqëri transporti, hotele për fjetje të futbollistëve, apartamente /shtëpi banimi për strehimin e futbollistëve, trajnerëve, mjekëve, të ketë blerë veshje dhe pajisje të tjera për futbollistët, të ketë lidhur kontrata qiraje për fusha futbolli, ka shtypur/prodhuar biletat e ndeshjeve etj etj pa kryer asnjë procedurë prokurimi por duke kontaktuar privatisht me palët e interesuara dhe të njohura personalisht prej tyre.

TAG:
• Vllaznia
• Fatos Gjyrezi
• Neritan Kalamishi
• denis fani

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  70.6%

• Jo

  20.2%

• Ndoshta

  9.2%

Vota total: 272

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta