KRUJË- Mbi 150 persona janë paraqitur prej dy ditësh në Spitalin e Krujës me shqetësime të ndryshme, kryesisht me simptoma diarreje, të vjella, dhimbje barku edhe temperaturë. Të sëmurët janë të të gjitha moshave, nga fëmijët deri te të moshuarit, dhe janë nga të gjitha fshatrat e Krujës.
Dyshimet e tyre të para lidhen me helmimin nga uji i pijshëm nga rrjeti i ujësjellësit, që në Krujë konsumohet masivisht.
“Kemi të vjella kanë filluar mbrëmë në darkë, s'kam konsumuar ndonjë, thjesht ushqime të zakonshme, kam pirë ujë çezme, ka shqetësime me të vjella dhe goca".
"Kam unë dhe goca shqetësime, kemi konsumuar ujin e rrjetit".
"Kam të vjella, ushqim si përherë, ujë kam konsumuar, ujë të rrjetit, dje në darkë më janë shfaqur shqetësimet, kam edhe nipin që ka shfaqur shqetësime”, shprehen disa nga qytetarët për Report Tv.
Nga ana e personelit të shëndetit publik janë marrë disa mostra të ujit të rrjetit të cilat janë dërguar për ekzaminim, e ndërkohë është ndërprerë furnizimi në të gjithë qytetin deri në daljen e përgjigjeve zyrtare. Policia ka njoftuar organet e shëndetit publik dhe të Autoritetet Kombëtar të Ushqimit, për të sqaruar situatën.
Nga ana tjetër, priten analizat nga Drejtoria e Shëndetit Publik në Krujë dhe Tiranë. Grupi hetimor ndërkohë po kryen të gjitha veprimet procedurale, me qëllim zbardhjen e shkakut dhe sqarimin e rrethanave të këtyre rasteve. Ndërkohë, nga ana e Bashkisë dhe institucioneve të tjera nuk ka asnjë prononcim. I vetmi reagim nga ardhur nga Policia e Krujës, e cila në deklaratën e saj thuhet se bëhet fjalë për 35 persona, por burimet të sigurta për Report Tv tregojnë se bëhet fjalë për mbi 150.
"Policia e Krujës, pas marrjes së njoftimit mesditën e sotme, nga urgjenca e Spitalit të Krujës, se dy ditët e fundit kanë shkuar për ndihmë mjekësore, rreth 35 shtetas, të cilët dyshohet se janë helmuar, menjëherë ka ngritur grupin hetimor, i cili ka shkuar në spitalin e Krujës dhe vijon punën për sqarimin e rrethanave dhe zbardhjen e shkakut. Nga ana e Policisë janë njoftuar organet e shëndetit publik dhe të AKU-së, për të sqaruar këtë situatë. Priten analizat nga DSHP Krujë dhe Tiranë. Grupi hetimor po kryen të gjitha veprimet procedurale, me qëllim zbardhjen e shkakut dhe sqarimin e rrethanave të këtyre rasteve", njofton Policia.
Deputetja e Partisë Demokratike për qytetin e Krujës, Merita Bakiu, ka vizituar disa nga qytetarët e shtruar, pasi u paraqitën në spital me shenja helmimi. Aktualisht në spital janë shtruar 18 pacientë. Sipas PD-së së fundmi në Krujë është bërë një përurim elektoral në ujësjellës dhe uji ka ardhur vazhdimisht i ndotur.
Report Tv ka mësuar se është rritur numri i personave që kanë shfaqur shenja helmimi në Krujë. Nga sa mësohet bëhet fjalë për mbi 150 persona që kërkuar ndihmë në spital.
Qytetarët të cilët janë paraqitur në spitalin e Krujës me të vjella, kanë treguar për mikrofonin e Report Tv, se kanë konsumuar ujin e rrjetit, çka mund të jetë shkaktar për helmimin.
"Kemi të vjella kanë filluar mbrëmë në darkë, s'kam konsumuar ndonjë, thjesht ushqime të zakonshme, kam pirë ujë çezme, ka shqetësime me të vjella dhe goca
Kam unë dhe goca shqetësime, kemi konsumuar ujin e rrjetit
Kam të vjella, ushqim si përherë, ujë kam konsumuar, ujë të rrjetit, dje në darkë më janë shfaqur shqetësimet, kam edhe nipin që ka shfaqur shqetësime", shprehen disa nga qytetarët për mikrofonin e Report Tv.
Komente
Lajme të tjera
-
Mbi 90 të helmuar në Bulqizë, del analiza: Uji i konsumueshëm! Mjeku: Dyshojmë se është virozë
8 Korrik, 08:47
-
Pamje të rënda/ Helmim masiv i qenve në Korçë, kafshët lihen të ngordhura në mes të rrugës
31 Janar, 15:24 -
Helmohet nga kërpudhat 41-vjeçarja në Devoll, përfundon në gjendje të rëndë në spital
6 Nëntor 2023, 12:22 -
Rritet në 63 numri i të helmuarve në Malishevë, arrestohet pronari i lokalit
14 Tetor 2023, 09:57 -
Kanceri i gjirit prek edhe burrat, zbulohet një rast në Krujë! Infermierja: Pacienti erdhi me hematoma në kraharor, kishte turp të tregonte
11 Tetor 2023, 15:35
-
Gjimnazisti hedh spray djegës brenda klasës në shkollën 'Skëndërbej' në Krujë, disa nxënës përfundojnë në spital
12 Shtator 2023, 12:35 -
‘Rindërtimi’, nis rikonstruksioni i Spitalit të Krujës! Urgjenca dhe pavijonet transferohen tek Materniteti! Fondi 288 milion lekë, punimet përfundojnë në fund të 2024
3 Shtator 2023, 16:17
-
Helmimi i 41 turistëve polakë në Vlorë, dalin analizat e ISHP
28 Gusht 2023, 16:25 -
Vlorë/ U helmuan pasi konsumuan ushqime të prishura gjatë turit në Sazan, 41 adoleshentë polakë lënë spitalin! Anija gjobitet me 600 mijë lekë
26 Gusht 2023, 09:30 -
I dërgoi letër me helm vdekjeprurës Donald Trump gjatë mandatit si president, dënohet me 22 vite burg 55-vjeçarja kanadeze
18 Gusht 2023, 13:03 -
Helmohen 20 shqiptarë të Kosovës në Shëngjin, Ndreu: Janë 9! Po bëni qimen tra, standardet e ushqimit që ka Lezha si ka vend tjetër në Rajon
21 Korrik 2023, 09:27 -
Helmimi i banorëve nga uji në Bulqizë, nën hetim Kadri Muça, pronar i një HEC-i privat! Montoi një tub te ujësjellësi, uji i pijshëm u përzi me ujërat e zeza
5 Qershor 2023, 10:40
ne c vend behet fjale helmimi
PërgjigjuTek p*dhi sateme