Mbi 150 persona, mes tyre dhe fëmijë, nga lagje të ndryshme të Krujës me shenja helmimi në urgjencë, 18 të shtruar në spital! Qytetarët: Kemi pirë në çezmë! Ndërpritet uji në të gjithë qytetin

KRUJË- Mbi 150 persona janë paraqitur prej dy ditësh në Spitalin e Krujës me shqetësime të ndryshme, kryesisht me simptoma diarreje, të vjella, dhimbje barku edhe temperaturë. Të sëmurët janë të të gjitha moshave, nga fëmijët deri te të moshuarit, dhe janë nga të gjitha fshatrat e Krujës.

Dyshimet e tyre të para lidhen me helmimin nga uji i pijshëm nga rrjeti i ujësjellësit, që në Krujë konsumohet masivisht.

 “Kemi të vjella kanë filluar mbrëmë në darkë, s'kam konsumuar ndonjë, thjesht ushqime të zakonshme, kam pirë ujë çezme, ka shqetësime me të vjella dhe goca".

LEXO EDHE:
Pamje të rënda/ Helmim masiv i qenve në Korçë, kafshët lihen të ngordhura në mes të rrugës

"Kam unë dhe goca shqetësime, kemi konsumuar ujin e rrjetit".

"Kam të vjella, ushqim si përherë, ujë kam konsumuar, ujë të rrjetit, dje në darkë më janë shfaqur shqetësimet, kam edhe nipin që ka shfaqur shqetësime”, shprehen disa nga qytetarët për Report Tv.

Nga ana e personelit të shëndetit publik janë marrë disa mostra të ujit të rrjetit të cilat janë dërguar për ekzaminim, e ndërkohë është ndërprerë furnizimi në të gjithë qytetin deri në daljen e përgjigjeve zyrtare. Policia ka njoftuar organet e shëndetit publik dhe të Autoritetet Kombëtar të Ushqimit, për të sqaruar situatën.

Nga ana tjetër, priten analizat nga Drejtoria e Shëndetit Publik në Krujë dhe Tiranë. Grupi hetimor ndërkohë po kryen të gjitha veprimet procedurale, me qëllim zbardhjen e shkakut dhe sqarimin e rrethanave të këtyre rasteve.  Ndërkohë, nga ana e Bashkisë dhe institucioneve të tjera nuk ka asnjë prononcim. I vetmi reagim nga ardhur nga Policia e Krujës, e cila në deklaratën e saj thuhet se bëhet fjalë për 35 persona, por burimet të sigurta për Report Tv tregojnë se bëhet fjalë për mbi 150.

"Policia e Krujës, pas marrjes së njoftimit mesditën e sotme, nga urgjenca e Spitalit të Krujës, se dy ditët e fundit kanë shkuar për ndihmë mjekësore, rreth 35 shtetas, të cilët dyshohet se janë helmuar, menjëherë ka ngritur grupin hetimor, i cili ka shkuar në spitalin e Krujës dhe vijon punën për sqarimin e rrethanave dhe zbardhjen e shkakut. Nga ana e Policisë janë njoftuar organet e shëndetit publik dhe të AKU-së, për të sqaruar këtë situatë. Priten analizat nga DSHP Krujë dhe Tiranë. Grupi hetimor po kryen të gjitha veprimet procedurale, me qëllim zbardhjen e shkakut dhe sqarimin e rrethanave të këtyre rasteve", njofton Policia.

 

Rendit zhvillimet sipas orarit:

Të Fundit Të Parat

B.K./KT/Shqiptarja.com

TAG:
• helmim
• spitali i krujes