POP 5

Lajmet më të lexuara të 5 minutave të fundit

Ekonomi

30 prill, përfundon deklarimi i të
ardhurave për fitimet gjatë 2013-ës

Sot është dita e fundit, e parashikuar nga ligjet fiskale shqiptare, për të dorëzuar vetëdeklarimin e të ardhurave, mbi bazën e të cilave do të kryhet edhe pagesa e tatimit për vitin 2013. 
30 prill, përfundon deklarimi i të<br />ardhurave për fitimet gjatë 2013-ës
TIRANE- Sot është dita e fundit, e parashikuar nga ligjet fiskale shqiptare, për të dorëzuar vetëdeklarimin e të ardhurave, mbi bazën e të cilave do të kryhet edhe pagesa e tatimit për vitin 2013. Detyrimi për deklarim përfshin të gjithë individët që realizojnë te ardhura vjetore nga të gjitha burimet në shumën totale më shumë se 2.000.000 lekë (përfshirë individët rezidentë dhe jorezidentë me të ardhura brenda dhe jashtë territorit të Republikës se Shqipërisë). Prej vitit 2011, secili individ që realizon të ardhura vjetore nga të gjitha burimet në shumën totale më shumë se 2,000,000 lekë brenda vitit fiskal (përfshirë individët rezidentë me të ardhura brenda dhe jashtë territorit te Republikës se Shqipërisë, si dhe jorezidentë me të ardhura brenda territorit te Republikës se Shqipërisë) duhet t’i deklarojë ato deri në fund të prillit të vitit pasardhës. Individët brenda familjes që kanë të ardhura nga burime të ndryshme janë të detyruar të deklarojnë individualisht, nëse plotësojnë kriterin e realizimit të të ardhurave.

Përjashtohet nga detyrimi për plotësimin dhe dorëzimin e deklaratës individuale çdo individ, që realizon të ardhura bruto vjetore nga të gjitha burimet në shumën totale më pak se 2.000.000 leke brenda vitit fiskal. Ligji nuk i përjashton zyrtarët publikë, që kanë detyrim ligjor deklarimin e pasurisë. Deklarata që ata bëjnë për deklarimin e pasurisë mund të përdoret si një argument shtesë për burimin e shumave të të ardhurave vjetore të realizuara nga ta.
Diferenca midis totalit të të ardhurave bruto dhe shpenzimeve të zbritshme përbën të ardhurën e tatueshme të individit. Nëse diferenca është pozitive, deklaruesi, brenda 30 ditëve nga data e paraqitjes së deklaratës vjetore të të ardhurave, bën pagesën e tatimit. Nëse diferenca është negative, administrata tatimore ia kthen deklaruesit shumën e taksave të paguara më tepër ose, me pëlqim të deklaruesit, kjo shumë mund të përllogaritet si pagesë e kryer për vitin tatimor vijues. Shumës së këtij tatimi, i zbriten tatimet e paguara gjatë periudhës tatimore të dokumentuara nga mbajtësi në burim i këtyre tatimeve.

Për individët rezidentë fiskalë shqiptarë, që kanë realizuar të ardhura dhe janë taksuar për ato jashtë Republikës se Shqipërisë në vende me të cilat Shqipëria ka nënshkruar marrëveshje për shmangien e taksimit të dyfishtë, tatimet e paguara të vërtetuara nga autoritetet e këtyre vendeve janë të zbritëshme. Deklaruesit që kanë të ardhura vjetore prej të paktën 1.050.000 lekësh nuk përfitojnë nga e drejta e llogaritjes së shpenzimeve të zbritshme.

Shkrimi u publikua sot 30 prill 2014 në gazetën Shqiptarja.com (print)

Redaksia online
(d.a/shqiptarja.com)    

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51